Eksodusi 27:16 - Siswati 1996 Bible

¹⁶ Lomnyango wesibuya kufanele ube nesivalo lesentiwe ngendvwangu yelineni lecolisakele lehlotjiswe nangensontfo leluhlata njengesibhakabhaka, nalebukhwebeletane, nalebovu ngalokutopele; kube ngumsebenti wengcweti yetekuhlobisa, bubanti balendvwangu bube ngemamitha langaba yimfica. Kufanele ihhukwe etinsikeni letine letisinyiswe emasekweni lamane.

Eksodusi 27:16 Referencias Cruzadas

Tihlabelelo 45:14

Imikiswa enkhosini, yembetse bukhatikhati, ihamba netintfombi letitimphekeleteli, letishuca emvakwayo, nato tiya kuyo.

Eksodusi 26:31

“Ubenta indvwangu ngemitiya yelineni leyephotselwe ngalokucolisakele nangensontfo leluhlata njengesibhakabhaka, nalebukhwebeletane, nalebovu ngalokutopele. Uboyihlobisa ngemakherubhi, lentiwe yingcweti lenebuciko.

Eksodusi 26:36

“Emnyango walelithende ubenta sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, usente nangemitiya yelineni leyephotselwe yacolisakala; konkhe loko kube ngumsebenti wengcweti yetekuhlobisa.

Eksodusi 27:15

Nangale kwemnyango kufanele kulenge tindvwangu letingemamitha langaba sitfupha nemasentimitha langema-60 bubanti, tihhukwe etinsikeni letintsatfu letisinyiswe emasekweni lamatsatfu.

Eksodusi 27:17

Tonkhe tinsika letitungelete lesibuya kufanele tibe nemigcala yesiliva nemahhuka esiliva, emaseko ato entiwe ngelitfusi.

Eksodusi 28:39

“Ingubo ya-Aroni lengenamkhono uboyitfunga ngendvwangu yelineni lecolisakele, nalomshuculo wenhloko uwente ngendvwangu yelineni lecolisakele kanye nelibhande lekufanele lihlotjiswe.

Eksodusi 36:37

Umnyango walelithende lekuhlangana bawentela sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, basenta nangemitiya yelineni leyayephotselwe yacolisakala; konkhe loko kwaba ngumsebenti wengcweti yetekuhlobisa.

Eksodusi 39:29

nelibhande lelelukwe ngemtiya welineni lecolisakele, nangensontfo leluhlata njengesibhakabhaka, nalebukhwebeletane, nalebovu ngalokutopele; bakuhlobisa, njengobe Simakadze abeyale Mosi.

Numeri 3:26

netindvwangu tasesibuyeni, nendvwangu lesekungeneni kwesibuya lesitungelete indzawo lengcwele, nelilati, netindophi, nako konkhe lokuhambisana nako.

Tikhulu 5:30

‘Kambe ngabe babutsa behlukaniselane imphango, kutsi intfombi yinye nome timbili tibe tendvodza yinye, kutsi tembatfo letimibalabala tibe taSisera, yebo, tembatfo letimibalabala naletihlotjisiwe tibe yimphango, tembatfo letihlotjiswe ngala nangale tentsamo yami, konkhe loku kube yimphango?’