Eksodusi 27:1 - Siswati 1996 Bible

¹ “Ubenta lilati ngemgamba, libe nemihlubulo lelinganako: budze balo libe ngemamitha langaba mabili nemasentimitha langema-20, bubanti libe ngemamitha langaba mabili nemasentimitha langema-20, nekuphakama libe ngulelingaba yimitha nemasentimitha langema-30.

Eksodusi 27:1 Referencias Cruzadas

2 Samuweli 24:18

Ngalelo langa Gadi waya kuDavide, wafike watsi: “Khuphuka uyekwakhela Simakadze lilati lena ebaleni lekubhulela kolo laka-Arawuna, umJebhusi.”

2 Emakhosi 16:14

Lilati lelitfusi lelalime embikwaSimakadze walisusa ekungeneni kwelithempeli emkhatsini welilati lelisha nendlu yaSimakadze, waliletsa ngasenyakatfo yelilati lelisha.

1 Tikhronike 6:49

Kodvwa Aroni netitukulwane takhe bekungabo lababetfula iminikelo elatini lekushisa iminikelo kanye naselatini lemphepho. Umsebenti wabo bekukukhonta endzaweni lengcwelengcwele kanye nekwentela Israyeli inhlawulo yekubuyisana naNkulunkulu, ngekulandzela yonkhe imiyalo Mosi, inceku yaNkulunkulu, latsi ayentiwe.

2 Tikhronike 4:1

Solomoni inkhosi wase wakha lilati lelitfusi lelalingemamitha labengaba yimfica budze, nemamitha labengaba yimfica bubanti, nemamitha labengaba mane nesigamu kuphakama.

Ezra 3:2

Jeshuwa, umsa waJosadaki, nebaphristi labebabambisene nabo kanye naZerubhabheli, umsa waSalatiyeli, nalabebabambisene naye bacala kwakha lilati laNkulunkulu waka-Israyeli kutekushisa umhlatjelo etikwalo, njengobe kubhaliwe emtsetfweni waMosi, umuntfu waNkulunkulu.

Eksodusi 17:15

Mosi wakha lilati waletsa libito watsi: “Lolu luphawu lwewungincobela kwaSimakadze.”

Eksodusi 24:4

Mosi wawabhala phansi onkhe emavi aSimakadze. Wavuka ekuseni ngeluvivi wakha lilati phansi kwentsaba, ngematje lali-12, labemele tive tema-Israyeli.

Eksodusi 31:9

nelilati lemnikelo wekushiswa kanye netimphahla letihambisana nalo, nemgezelo, nesibunu sawo,

Eksodusi 35:16

nelilati lemnikelo wekushiswa, nemhlobiso walo welitfusi losasisefo, netimboko talo, netimphahla letihambisana nalo, nemgezelo nesibunu sawo,

Eksodusi 39:39

lilati lelitfusi, nemhlobiso walo welitfusi losasisefo, netimboko talo, nato tonkhe timphahla letihambisana nalelilati; nemgezelo nesibunu sawo;

Eksodusi 40:10

Emvakwaloko lelilati lemnikelo wekushiswa nako konkhe lokuhambisana nako ubokugcoba ngemafutsa ukunikele kutawube sekuba ngcwele ngalokuphelele.

Eksodusi 40:29

kwase kutsi embikwalendvwangu wabeka lilati lekushisela umnikelo. Etikwalo wanikela ngemnikelo wekushiswa, nangemnikelo walokutinhlavu, njengobe Simakadze abemyalile.

Eksodusi 40:6

Embikwelithende lekukhontela ubobeka lilati lekushisela umnikelo.

Numeri 3:31

Umsebenti wawo bekukunakekela libhokisi lesivumelwane, nelitafula, nelutsi lwetibane, nemalati, naletinye tintfo letisetjentiswa enkonzweni yebuphristi endzaweni lengcwele, nendvwangu, nako konkhe lokuhambisana nako.

Numeri 4:13

Kufanele besuse umlotsa elatini lelitfusi, bese bendlala indvwangu lebukhwebeletane etikwalo.

Numeri 4:14

Bayawubeka etikwayo tonkhe titja letisetjentiswa enkonzweni yelilati: emakesi, netintsi tenyama, nemafosholo, nemigezelo yekunyenyeta, nato tonkhe titja taselatini. Etikwalo bese bendlala sikhumba lesishukiwe semahhashi aselwandle, bafake timboko talo endzaweni yato.

KumaHebheru 13:10

Sinelilati, lapho khona umhlatjelo losetikwalo baphristi labakhonta ethendeni lekuhlangana bate lilungelo lekuwudla.