Eksodusi 26:36 - Siswati 1996 Bible

³⁶ “Emnyango walelithende ubenta sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, usente nangemitiya yelineni leyephotselwe yacolisakala; konkhe loko kube ngumsebenti wengcweti yetekuhlobisa.

Eksodusi 26:36 Referencias Cruzadas

2 Samuweli 7:6

Mine angizange sengihlale endlini kusukela ngelilanga lengakhipha ngalo ema-Israyeli eveni laseGibhithe kuze kube ngulamuhla. Bengisolo ngihamba tindzawo ngetindzawo, nelithende lekuhlangana kunguyonandlu yami lengihlala kuyo.

Tihlabelelo 78:60

Wayidzikila indlu yakhe lengcwele leseShilo, lithende labehlala kulo emkhatsini webantfu,

Eksodusi 26:31

“Ubenta indvwangu ngemitiya yelineni leyephotselwe ngalokucolisakele nangensontfo leluhlata njengesibhakabhaka, nalebukhwebeletane, nalebovu ngalokutopele. Uboyihlobisa ngemakherubhi, lentiwe yingcweti lenebuciko.

Eksodusi 27:16

Lomnyango wesibuya kufanele ube nesivalo lesentiwe ngendvwangu yelineni lecolisakele lehlotjiswe nangensontfo leluhlata njengesibhakabhaka, nalebukhwebeletane, nalebovu ngalokutopele; kube ngumsebenti wengcweti yetekuhlobisa, bubanti balendvwangu bube ngemamitha langaba yimfica. Kufanele ihhukwe etinsikeni letine letisinyiswe emasekweni lamane.

Eksodusi 28:15

“Ubenta sembatfo sesifuba ngebungcweti lobukhulu, sibe ngesekwehlulela kwemPhristi Lomkhulu; njengesidziya sibe nalokuyigolide, nalokubukhwebeletane, nalokuluhlata njengesibhakabhaka, nalokubovu ngalokutopele kanye nemitiya yelineni lecolisakele.

Eksodusi 28:39

“Ingubo ya-Aroni lengenamkhono uboyitfunga ngendvwangu yelineni lecolisakele, nalomshuculo wenhloko uwente ngendvwangu yelineni lecolisakele kanye nelibhande lekufanele lihlotjiswe.

Eksodusi 35:11

lithende lekukhontela, nelithende lalo, nesimbonyo salo, nemahhuka alo, netinsikabhaluko talo, nemakabha alo, netinsika talo, nemaseko alo;

Eksodusi 35:15

nelilati lemphepho, netimboko talo, nemafutsa ekugcoba, nemphepho lenuka kamnandzi, nendvwangu lelengiswa ekungeneni kwelithende lekukhontela;

Eksodusi 36:37

Umnyango walelithende lekuhlangana bawentela sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, basenta nangemitiya yelineni leyayephotselwe yacolisakala; konkhe loko kwaba ngumsebenti wengcweti yetekuhlobisa.

Eksodusi 38:18

Indvwangu yesivalo emnyangeni wesibuya yayakhiwe ngemitiya yelineni lecolisakele, ihlotjiswe ngensontfo lenembala loluhlata njengesibhakabhaka, nalobukhwebeletane, nalobovu ngalokutopele, loko kwaba ngumsebenti wengcweti yetekuhlobisa. Lendvwangu yayingemamitha labengaba yimfica bubanti, nemamitha labengaba mabili kuphakama, ilingana naletindvwangu talesibuya.

Eksodusi 39:29

nelibhande lelelukwe ngemtiya welineni lecolisakele, nangensontfo leluhlata njengesibhakabhaka, nalebukhwebeletane, nalebovu ngalokutopele; bakuhlobisa, njengobe Simakadze abeyale Mosi.

Eksodusi 39:33

Baletsa kuMosi lithende lekukhontela nako konkhe lokuhambisana nalo: lithende, nemahhuka, netinsikabhaluko, nemakabha, netinsika, nemaseko;

Eksodusi 40:5

Lilati legolide lekushisela imphepho ubolibeka embikwalelibhokisi lesivumelwane, ulengise lendvwangu ekungeneni kwalelithende lekukhontela.

Hezekeli 16:10

Ngakwembatsisa ngengubo lehlotjiswe kahle, ngakufaka tincabule tesikhumba etinyaweni takho. Ngakwembatsisa ngelineni lecolisakele, ngakwembesa ngetembatfo letidulile.

Numeri 3:25

Umsebenti wemaGeshoni ethendeni lekuhlangana kuyawuba kunakekela lithende lekukhontela, nelithende, netimbonyo talo, nendvwangu lesemnyango welithende lekuhlangana,

Numeri 9:15

Ngelilanga lekumiswa kwelithende lekukhontela, lifu lalimbonya. Kusukela kusihlwa kwaze kwaba ngusekuseni lelifu lelalisetikwelithende lekukhontela, lalifanana nemlilo.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.