Eksodusi 26:31 - Siswati 1996 Bible

³¹ “Ubenta indvwangu ngemitiya yelineni leyephotselwe ngalokucolisakele nangensontfo leluhlata njengesibhakabhaka, nalebukhwebeletane, nalebovu ngalokutopele. Uboyihlobisa ngemakherubhi, lentiwe yingcweti lenebuciko.

Eksodusi 26:31 Referencias Cruzadas

2 Tikhronike 3:14

Wenta likhethini lemitiya leluhlata njengesibhakabhaka, nalebukhwebeletane, nalebubendze, walenta ngelineni lecolisakele, nalo lalihlotjiswe ngemakherubhi.

Tihlabelelo 137:5

Nangingakhohlwa wena Jerusalema, sandla sami sekudla singamane sishwaphane.

Eksodusi 25:18

Uyawukwenta emakherubhi lamabili ngegolide legcotjiwe uwabetsele lelinye likherubhi libe ngala, lelinye libe ngale.

Eksodusi 25:4

nensontfo leluhlata njengesibhakabhaka, nalebukhwebeletane, nalebovu ngalokutopele, nendvwangu yelineni lecolisakele, neboya bembuti,

Eksodusi 26:1

“Lingekhatsi lelithende lekukhontela ubolakha ngetindvwangu letilishumi. Ubotenta ngemitiya yelineni leyephotselwe ngalokucolisakele nangensontfo leluhlata njengesibhakabhaka, nangalebukhwebeletane, nangalebovu ngalokutopele, loko ngukuhlobise ngemakherubhi; kube ngumsebenti wengcweti lenebuciko.

Eksodusi 26:32

Uboyilengisa etinsikeni temgamba letine letembeswe ngegolide tafakwa emahhuka lamane egolide, tasinyiswa etikwemaseko esiliva lamane.

Eksodusi 27:16

Lomnyango wesibuya kufanele ube nesivalo lesentiwe ngendvwangu yelineni lecolisakele lehlotjiswe nangensontfo leluhlata njengesibhakabhaka, nalebukhwebeletane, nalebovu ngalokutopele; kube ngumsebenti wengcweti yetekuhlobisa, bubanti balendvwangu bube ngemamitha langaba yimfica. Kufanele ihhukwe etinsikeni letine letisinyiswe emasekweni lamane.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 28:15

“Ubenta sembatfo sesifuba ngebungcweti lobukhulu, sibe ngesekwehlulela kwemPhristi Lomkhulu; njengesidziya sibe nalokuyigolide, nalokubukhwebeletane, nalokuluhlata njengesibhakabhaka, nalokubovu ngalokutopele kanye nemitiya yelineni lecolisakele.

Eksodusi 35:12

libhokisi lesivumelwane, netimboko talo, nesimbonyo salo lesisihlalo semusa, nendvwangu levimbe libhokisi lesivumelwane;

Eksodusi 35:25

Bonkhe labasikati lababenelikhono lekwephotsa baletsa insontfo leluhlata njengesibhakabhaka, nalebukhwebeletane, nalebovu ngalokutopele, netindvwangu telineni lecolisakele.

Eksodusi 35:35

Ubaphe likhono lekutsi bakwati kwenta yonkhe inhlobo yemisebenti leyentiwa ngetandla, tingcweti, nebahlobisi, nebeluki betindvwangu letelukwe ngensontfo leluhlata njengesibhakabhaka, nalebukhwebeletane, nalebovu ngalokutopele, kanye nangemitiya yelineni lecolisakele. Bayakwati kwenta yonkhe inhlobo yemsebenti, kantsi futsi bonkhe sebanebungcweti.”

Eksodusi 35:6

newensontfo leluhlata njengesibhakabhaka, nalebukhwebeletane, nalebovu ngalokutopele, newendvwangu yelineni lecolisakele, neweboya bembuti,

Eksodusi 36:35

Benta indvwangu ngemitiya yelineni leyayephotselwe yacolisakala, nangensontfo leluhlata njengesibhakabhaka, nalebukhwebeletane, nangalebovu ngalokutopele, bayihlobisa ngemakherubhi, lentiwe yingcweti lenebuciko.

Eksodusi 36:36

Bakha tinsika temgamba letine letatembeswe ngegolide, taba tekulengisa lendvwangu, batifaka emahhuka egolide. Base bakha emaseko lamane esiliva ekusimisa letinsika.

Eksodusi 36:8

Onkhe emadvodza labenelikhono emkhatsini walababenta lomsebenti welithende lekukhontela balakha ngetindvwangu letilishumi. Tatentiwe ngelineni lecolisakele nangensontfo leluhlata njengesibhakabhaka, nalebukhwebeletane, nalebovu ngalokutopele, tase tihlotjiswa ngemakherubhi lentiwe yingcweti lenebuciko.

Eksodusi 38:23

Umsiti wakhe kwakungu-Oholiyabi, umsa wa-Ahisamaki, wesive sakaDani. Yena-ke abengumbati, nemsunguli wemihlobiso, nemhlobisi ngensontfo leluhlata njengesibhakabhaka, nalebukhwebeletane, nalebovu ngalokutopele, nangemitiya yelineni lecolisakele.

Eksodusi 40:21

Libhokisi lesivumelwane walifaka ekhatsi ethendeni lekukhontela, walengisa indvwangu yekulifihla livalekile, njengobe Simakadze abemyalile.

Eksodusi 40:3

Ekhatsi kwalo ubobeka libhokisi lesivumelwane lelinemiyalo lelishumi, bese ulivimba ngendvwangu embikwalo.

Ingoma Yetingoma 7:1

Maye, tinhle tinyawo takho kuleto tincabule tato, awu, ndvodzakati yemntfwanenkhosi! Ematsanga akho atindingilizi njengemachuzu, umsebenti wesandla sachwephesha.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:2

Simakadze wakhuluma kuMosi watsi: “Tjela Aroni, umnakenu, kutsi angangeni nome ngunini emvakwendvwangu lesendzaweni lengcwelengcwele, embikwesihlalo semusa lesisebhokisini lesivumelwane funa afe, ngobe ngivela ngisefini lelisetikwesihlalo semusa.

Numeri 4:5

“Nase kufanele kutfutfwe inkambu, bo-Aroni nemadvodzana akhe kufanele bangene ekhatsi ethendeni lekukhontela, betfule lendvwangu lesembikwelibhokisi lesivumelwane, bese baliphutsa ngayo.

Matewu 27:51

Bheka, indvwangu leyayilenga ethempelini yadzabuka ekhatsi, kusukela etulu kuya phansi. Umhlaba watamatama, emadvwala achekeka ekhatsi,

Makho 15:38

Indvwangu yesihenco leyayilenga ethempelini yadzabuka ekhatsi kusukela etulu kwaya kuphuma phansi.

Lukha 23:45

nendvwangu leyayilenga ethempelini yaklebhuka emkhatsini taba timbili.

Kubase-Efesu 2:14

Ngobe yena ukuthula kwetfu, lowenta lokubili kwaba kunye, ngekufa kwakhe wabhidlita lubondza lwebutsa lolwalwehlukanisa.