Eksodusi 25:8 - Siswati 1996 Bible

⁸ Labantfu kufanele bangentele indlu lengcwele, khona ngitawuhlala emkhatsini wabo.

Eksodusi 25:8 Referencias Cruzadas

1 Emakhosi 6:13

Ngiyawuhlala emkhatsini wema-Israyeli ngingasishiyi sive sami ema-Israyeli.”

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

Eksodusi 15:17

Uyawubangenisa ubahlanyele entsabeni yakho, indzawo leyakhetfwa nguwe, Simakadze, kutsi ibe likhaya lakho, indzawo lengcwele, Simakadze, lowayakha ngetandla takho.

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Eksodusi 29:45

Ngitawuhlala emkhatsini wema-Israyeli, ngibe nguNkulunkulu wabo.

Eksodusi 29:46

Bayawukwati kutsi nginguSimakadze longuNkulunkulu wabo, lowabakhipha eveni laseGibhithe, ngentela kuhlala emkhatsini wabo. NginguSimakadze longuNkulunkulu wabo.”

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Hezekeli 37:28

Ngulapho-ke tive tiyawukwati khona kutsi mine Simakadze ngenta Israyeli kutsi abe ngcwele, ngesikhatsi indzawo yami lengcwele iyawuba kubo phakadze naphakadze.’ ”

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Levithikusi 10:4

Mosi wabita boMishayeli na-Elsafani, emadvodzana a-Uziyeli, labenguyise lomncane wa-Aroni, wakhuluma kubo watsi: “Wotani lapha nitewutsatsa tidvumbu tabomnakenu nitisuse lapha endzaweni lengcwele, nitikhiphele ngaphandle kwenkambu.”

Levithikusi 21:12

akayiwusuka nekusuka endzaweni lengcwele yaNkulunkulu wakhe, nome ayihlazise, ngobe bungcwele bemgcobo wemafutsa aNkulunkulu busetikwakhe. NginguSimakadze.

Levithikusi 26:11

Ngiyawuhlala emkhatsini wenu ngisethendeni lekukhontela, ngingesuki kini.

Levithikusi 4:6

Uyakwenya umuno wakhe kulengati, bese uyifafata embikwaSimakadze embikwendvwangu lengcwele, kuze kube kasikhombisa.

Zakhariya 2:10

“Hlabela ujabule, wena Ndvodzakati yaseSiyoni. Ngobe ngiyeta, futsi ngiyawuhlala emkhatsini wenu,” kusho Simakadze.

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

Numeri 5:3

Bonkhe bantfu labanjalo, lomdvuna nome lomsikati, kufanele bakhishelwe ngephandle kwenkambu, khona bangetikuyingcolisa lenkambu yabo lapho ngihleti khona emkhatsini wabo.”

Imisebenti yebaPhostoli 7:44

“Bokhokho betfu babenelithende lapho kwakuhlala khona Nkulunkulu emkhatsini wabo ehlane. Lalentiwe njengobe Mosi abetjelwe nguNkulunkulu kutsi alente, Mosi walenta ngalendlela abekhonjiswe yona.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

Joshuwa 22:31

Finehasi, umsa wa-Eleyazare, umphristi, wakhuluma esiveni sakaRubeni, nesakaGadi, nesakaManase, watsi: “Lamuhla sesiyati kutsi Simakadze unatsi, ngobe kute lapha lenikwentile lokukhombisa kungetsembeki kwenu kuSimakadze ngalendzaba. Ema-Israyeli seniwasindzisile esandleni saSimakadze.”

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.