Eksodusi 25:37 - Siswati 1996 Bible

³⁷ Yenta tibane letisikhombisa kulesicu utimise titewukhanyisa ngembili kwalesicu.

Eksodusi 25:37 Referencias Cruzadas

2 Tikhronike 13:11

Onkhe emalanga ekuseni nantsambama banikela kuSimakadze ngeminikelo yekushiswa nangemphepho lenuka kamnandzi. Balungisa sinkhwa etikwelitafula lelihlantekile ngekwemtsetfo, bakhanyise tibane letiselutsini lwegolide njalo nje ntsambama. Siyayigcina yonkhe imitsetfo yaSimakadze Nkulunkulu wetfu. Kodvwa nine senimlahlile.

2 Tikhronike 4:20

netintsi tetibane tegolide lecengekile, netibane takhona letatitabovutsa njale nje embikwendzawo lengcwelengcwele, njengobe kwakumisiwe,

Tihlabelelo 119:105

Livi lakho lisibane etinyaweni tami, likukhanya endleleni yami.

Eksodusi 25:38

Tijubantsambo netitsebe talo utente ngegolide lecengekile.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 30:8

Aroni kufanele aphindze akwente loko njalo nje embikwaSimakadze entsambana, nakakhanyisa tibane; lomnikelo wemphepho uyakwentiwa kuSimakadze njalo nje titukulwane ngetitukulwane.

Eksodusi 37:23

Wenta tibane talolutsi taba sikhombisa, wenta tijubantsambo tato netitsebe tato ngegolide lecengekile.

Eksodusi 40:24

Wabeka lutsi lwetibane ethendeni lekuhlangana ngaseningizimu macondzana nelitafula,

Eksodusi 40:25

wase ukhanyisa letibane embikwaSimakadze, njengobe Simakadze abemyalile.

Taga 6:23

Ngobe umyalo usibane, imfundziso ikukhanya, kucondziswa ngekutsetsiswa kuyindlela yekuphila.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Zakhariya 4:2

Yangibuta, yatsi: “Ubonani?” Ngaphendvula, ngatsi: “Ngibona lutsi lwetibane luyigolide lonkhe, lunesitja lesinemafutsa ngetulu, netibane letisikhombisa kulo, netimbobo letisikhombisa tetintsambo tetibane talo.

Numeri 4:9

“Bayawutsatsa indvwangu leluhlata njengesibhakabhaka baphutse lolutsi lwetibane tekukhanyisa, kanye netibane talo, nentsambo yalo, netijubantsambo, netitsebe, netindzebe temafutsa.

Numeri 8:2

“Tjela Aroni utsi: ‘Ngesikhatsi ulumeka letibane letisikhombisa, kufanele tikhanyise lendzawo lesembikwelutsi lwetibane.’ ”

Matewu 5:14

“Nine nikukhanya kwelive. Lidolobha lelakhiwe entsabeni lephakeme lingeke lisitseke.

Lukha 1:79

kuletse kukhanya kulabo labasebumnyameni nasetfuntini lekufa, acondzise tinyawo tetfu endleleni yekuthula.”

Johane 1:9

Kukhanya kweliciniso, lokukhanyisa wonkhe umuntfu, bekuseta emhlabeni.

Johane 12:5

“Yini lamakha angakatsengiswa ngemaLangeni langema-300, kwaphiwa labamphofu lemali?”

Johane 8:12

Jesu wakhuluma kubo futsi watsi: “Mine ngikukhanya kwelive. Lowo longilandzelako angeke asahamba ebumnyameni, kodvwa uyawuba nekukhanya kwekuphila.”

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Sembulo 1:12

Ngase ngiyagucuka, ngentela kubona lona labekhuluma kimi; ngatsi nangigucukako, ngabona tibane tegolide letisikhombisa.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 22:5

Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.

Sembulo 4:5

Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.