Eksodusi 25:20 - Siswati 1996 Bible

²⁰ Lamakherubhi kufanele avule emaphiko awo engamele lesihlalo semusa abukane, abheke lesihlalo semusa.

Eksodusi 25:20 Referencias Cruzadas

Genesisi 28:12

Wabhudza abona liladi limiswe emhlabatsini, laze lefika ezulwini, wabona tingilosi taNkulunkulu tehla tenyuka ngalo.

1 Emakhosi 6:23

Ekhatsi endzaweni lengcwelengcwele wakha emakherubhi lamabili ngelugodvo lwemncumo, lilinye laba ngemamitha labengaba mane nesigamu kuphakama.

1 Emakhosi 6:27

Lamakherubhi Solomoni wawemisa ekhatsi nendzawo lengcwelengcwele, emaphiko awo avulekile. Luphiko lwalelinye likherubhi lwatsintsa lubondza ngala, kanjalo nelwaleli lelinye lwatsintsa lubondza lolungale, kwatsi leti letinye timphiko tawo tatsintsana ekhatsi nendzawo lengcwelengcwele.

1 Emakhosi 8:7

Emakherubhi abelulele timphiko tawo etikwalendzawo yelibhokisi lesivumelwane alisitsa kanye netimboko talo tekuletfwala.

1 Tikhronike 28:18

nesisindvo segolide lecengekile yekwakha lilati lemphepho. Waphindze wamnika nepulani yencola, lekwakungeyemakherubhi egolide labevule timphiko asingatse libhokisi lesivumelwane saSimakadze.

2 Tikhronike 3:10

Endzaweni lengcwelengcwele wakha emakherubhi lamabili labatiwe, wawembesa ngegolide.

Eksodusi 25:18

Uyawukwenta emakherubhi lamabili ngegolide legcotjiwe uwabetsele lelinye likherubhi libe ngala, lelinye libe ngale.

Eksodusi 25:19

Yenta lelinye likherubhi libe ngale ngekugcineni kwesihlalo semusa, lelinye libe ngala ekugcineni, bese kuba yintfo yinye nesimbonyo.

Hezekeli 1:20

Nome ngukuphi lapho Moya abengaya khona naletidalwa tatiya khona, nalamasondvo abeyaye aphakame kanye nato, ngobe lomoya waletidalwa letiphilako wawukulamasondvo.

Hezekeli 28:14

Wagcotjwa waba likherubhi lelingumelusi, ngobe ngakugcobela kona loko. Wawusentsabeni lengcwele yaNkulunkulu; wawuhambahamba emkhatsini wematje emlilo.

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

1 kubaseKorinthe 11:10

Ngako-ke ngenca yetingilosi umfati kufanele abe neluphawu lwekuhlonipha enhloko yakhe.

1 kubaseKorinthe 4:9

Ngiyabona kutsi Nkulunkulu usimisile tsine baphostoli kutsi sibe bekugcina, sifanane nalabagwetjwe intsambo. Ngobe sentiwe saba ngumbukiso kuyo yonkhe indalo, etingilosini, nakubantfu.

Kubase-Efesu 3:10

kuze babusi nalabanemandla emazulwini batiswe nyalo ngelibandla kuhlakanipha lokukhulu kwaNkulunkulu.

KubaseKholose 2:10

Nani-ke seniphelelisiwe kuye, yena loyinhloko yemibuso neyemandla onkhe.

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

KumaHebheru 9:5

Ngetulu kwalelo bhokisi bekunemakherubhi ebukhosi baNkulunkulu labengamele sihlalo semusa. Kodvwa kwanyalo ngingeke ngichazisise ngalokuphelele ngaletintfo.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.