Eksodusi 25:2 - Siswati 1996 Bible

² “Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Eksodusi 25:2 Referencias Cruzadas

Ezra 1:6

Bonkhe bomakhelwane babo babasita ngetintfo tesiliva, netegolide, nangetimphahla, nangetifuyo, nangetipho letiligugu kanye nangeminikelo yesihle.

Ezra 2:68

Batsi nabefika endlini yaSimakadze eJerusalema, labanye baholi bemindeni bakhipha iminikelo yesihle ekwakhiweni kabusha kwendlu yaSimakadze lapho yayime khona.

Ezra 3:5

Emvakwaloko, base banikela ngeminikelo leshiswa samuku, lenikelwa njalo, nemihlatjelo yekwetfwasa kwenyanga kanye nayo yonkhe imihlatjelo leyayimiselwe kutsi yentiwe kuyo yonkhe imikhosi yaSimakadze, kanye naleyo leletselwa kutsi ibe ngimihlatjelo yesihle kuSimakadze.

Ezra 7:16

uhambe nesiliva negolide yonkhe longayitfola eveni laseBhabhulona kanye neminikelo yesihle yebantfu nebaphristi labayinikelela lithempeli laNkulunkulu wabo eJerusalema.

Nehemiya 11:2

Bantfu bawadvumisa onkhe emadvodza latinikela kutsi ayewuhlala eJerusalema.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Eksodusi 25:1

Simakadze wakhuluma kuMosi, watsi:

Eksodusi 25:3

Leminikelo lotawuyemukela kufanele kube ngulena: yigolide, nesiliva, nelitfusi,

Numeri 18:24

Esikhundleni saloko, emaLevi ngiwapha kutsi lifa lawo kube kwelishumi kwaloko lokunikelwe ngema-Israyeli kuSimakadze. Ngiko nje ngitsite kuwo: ‘Bona bangeke babe nelifa kuma-Israyeli.’ ”

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.

Tikhulu 5:9

Inhlitiyo yami ikubaholi baka-Israyeli, yebo, ikulabo labatinikele emkhatsini wesive. Dvumisani Simakadze!