Eksodusi 24:7 - Siswati 1996 Bible

⁷ Wase utsatsa incwadzi yesivumelwane, wayifundza, bonkhe bantfu balalela, bakhuluma batsi: “Konkhe lokushiwo nguSimakadze siyawukwenta sikulalele.”

Eksodusi 24:7 Referencias Cruzadas

1 Emakhosi 8:9

Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili tematje letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eveni laseGibhithe.

2 Tikhronike 15:14

Benta sifungo kuSimakadze ngekuhalalisa lokukhulu, nekumemeta, nangekushaywa kwemacilongo, netimpalampala.

Tihlabelelo 50:5

“Baletseni la bonkhe labangcwele bami labenta nami sivumelwane ngemhlatjelo!”

Tihlabelelo 78:36

Kodvwa babencempheta ngemilomo yabo, bacala emanga kuye ngetilwimi tabo,

Eksodusi 19:8

Sonkhe sive saphendvula ngalivi linye, satsi: “Konkhe lokushiwo nguSimakadze siyawukwenta.” Mosi wahamba wayawubikela Simakadze.

Jeremiya 34:13

“Naku lokushiwo nguSimakadze Nkulunkulu wema-Israyeli, utsi: Ngenta sivumelwane nabokhokho benu ngesikhatsi ngibakhipha eGibhithe, eveni lebugcili. Ngatsi:

Jeremiya 42:6

Nome ngabe kuvumelana natsi nome kuyasilahla, sitamlalela Simakadze, Nkulunkulu wetfu, lesikutfuma kuye, kuze kusihambele kahle, ngobe sitamlalela Simakadze longuNkulunkulu wetfu.”

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Malakhi 2:10

AsinaBabe munye sonkhe yini? Asidalwanga nguNkulunkulu munye yini? Pho, sisihlambalatelani lesivumelwane sabokhokho betfu ngekungetsembeki kwetfu lomunye kulomunye?

Imisebenti yebaPhostoli 13:15

Sekufundvwe umtsetfo nemiBhalo yebaphrofethi, baphatsi belisinagoge batfumela livi batsi: “Bazalwane, sicela nikhulume kubantfu nangabe ninawo emavi ekubakhutsata.”

KubaseKholose 4:16

Nangabe lencwadzi seniyifundzile, nibobafundzisa nebaseLawodisiya, nani niyifundze lena lephuma eLawodisiya.

1 kubaseThesalonika 5:27

Ngiyaniyalisisa egameni leNkhosi kutsi lencwadzi niyifundzele bonkhe bazalwane.

Joshuwa 24:24

Bantfu bakhuluma kuJoshuwa, batsi: “Sitawukhonta Simakadze Nkulunkulu wetfu, silalele yena.”