Eksodusi 24:1 - Siswati 1996 Bible

¹ Simakadze wakhuluma kuMosi, watsi: “Yenyuka, ukhuphukele kuSimakadze, wena, na-Aroni, naNadabi, na-Abihu kanye nebaholi bema-Israyeli labangema-70 nikhotsame nikhonte nisesekhashane.

Eksodusi 24:1 Referencias Cruzadas

1 Tikhronike 6:3

Bantfwana ba-Amramu bekubo-Aroni, naMosi kanye naMiriyamu. Emadvodzana a-Aroni bekuboNadabi, na-Abihu, na-Eleyazare kanye na-Ithamari.

Eksodusi 1:5

Sewuwonkhe umndeni wakaJakobe wawubantfu lababengema-70. Phela Josefa abesavele aseGibhithe.

Eksodusi 19:20

Simakadze wehlela esicongweni seNtsaba iSinayi, wabita Mosi kutsi akenyuke ete kuye; nembala Mosi wenyuka.

Eksodusi 19:24

Simakadze wakhuluma kuMosi watsi: “Yewuka ulandze Aroni, ukhuphuke naye ete la; kodvwa ucaphele baphristi nebantfu bangawengci lomnyele kuta kimi, mine Simakadze, ngobe nabawengca, ngitabajezisa.”

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Eksodusi 20:21

Kodvwa bantfu bajinge bema bucalu ngesikhatsi Mosi asondzela efini lelimnyama, lapho kwakunaNkulunkulu khona.

Eksodusi 24:15

Mosi wenyuka intsaba iSinayi, lifu layisibekela yonkhe intsaba.

Eksodusi 24:2

Wena-ke Mosi, ubosondzela kuSimakadze, kodvwa laba labanye bangacali basondzele kimi. Bantfu kufanele bangenyuki nawe.”

Eksodusi 24:9

Mosi na-Aroni, naNadabi, na-Abihu kanye nebaholi bema-Israyeli lababengema-70 benyuka baya entsabeni,

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Eksodusi 34:2

Tilungiselele likusasa ekuseni, wenyuke ute lapha eNtsabeni iSinayi, utewutetfula lapha kimi esicongweni sentsaba.

Eksodusi 6:23

Aroni watsatsa Elisheba, indvodzakati ya-Aminadabi, dzadzewaboNasoni. Wamtalela Nadabi, na-Abihu, na-Eleyazare, na-Ithamari.

Hezekeli 8:11

Embikwato bekume baholi bendlu yaka-Israyeli labangema-70, naJazaniya, umsa waShafani, abeme emkhatsini wabo. Ngulowo abephetse sitja sekutfuncisa esandleni sakhe, kwakutsaphuka lifu lemphepho lenyuka.

Numeri 11:16

Simakadze wakhuluma kuMosi, watsi: “Letsa baholi bema-Israyeli labangema-70 lobatiko kutsi babaholi netiphatsimandla emkhatsini walabantfu. Baletse lapha ethendeni lekuhlangana, kutsi batekuma lapha kanye nawe.

Lukha 10:1

Ngemuva kwaloko iNkhosi yakhetsa labanye labangema-72, leyabatfuma ngababili kutsi bahambe ngembili kwayo bangene kuwo onkhe emadolobha netindzawo, lapho yayitawuhamba khona.

Lukha 10:17

Labangema-72 babuya bajabule kakhulu. Befika batsi: “Nkhosi, ngisho nemadimoni ayasilalela nasiwekhuta ngelibito lakho.”

Dutheronomi 1:15

Ngako ngatsatsa labaholi betive tenu, emadvodza lahlakaniphile nalahloniphekile, ngawabeka kutsi anengamele, abe tindvuna tetinkhulungwane, netemakhulu, netema-50, netemashumi, nekutsi abe tiphatsimandla taletive tenu.