Eksodusi 23:31 - Siswati 1996 Bible

³¹ Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Eksodusi 23:31 Referencias Cruzadas

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

1 Emakhosi 11:2

Abesuka kuletive Simakadze labekhulume ngato kuma-Israyeli watsi: “Ningacali nendziselane nato, ngobe nome kanjani tiyawuguculela tinhlitiyo tenu kubonkulunkulu bato.” Noko-ke Solomoni yena wanamatsela kuwo ngelutsandvo.

1 Emakhosi 20:13

Ngasona leso sikhatsi kwefika umphrofethi enkhosini Ahabi, watsi: “Simakadze utsi: ‘Uyayibona yini lemphi lenkhulu kangaka? Ngitayinikela esandleni sakho, kuze wati kutsi mine nginguSimakadze.’ ”

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

1 Emakhosi 4:24

Wabusa yonkhe imibuso leyayingasenshonalanga kwemfula iYufrathe, kusukela eThifsa kuye eGaza, ahlalisene ngekuthula nato tonkhe tive letatimtungeletile.

1 Emakhosi 8:65

Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

2 Tikhronike 9:26

Wawabusa onkhe emakhosi kusukela emfuleni, kuye eveni lemaFilisti, kuze kuyewufika emnyeleni waseGibhithe.

Tihlabelelo 72:8

Shangatsi bukhosi bayo bungagcwala umhlaba, busuke elwandle buye bufike elwandle lolunye; busuke eMfuleni, buze bufike ekugcineni kwemhlaba.

Numeri 21:34

Simakadze wakhuluma kuMosi, watsi: “Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.”

Numeri 34:2

“Yala ema-Israyeli utsi kuwo: ‘Naningena eKhenani, live lenitakwabelwa lona kutsi libe lifa lenu, litawuba naleminyele lena:

Dutheronomi 1:7

Tfutsani, nichubekele etintsabeni tema-Amori, nakuto tonkhe leto tive letisedvutane, tase-Arabha, naletisetintsabeni, naletingaphansi kwetintsaba ngasenshonalanga, naletiseNegevu, lekuyiningizimu yelive, naletigudla lwandle, eveni lemaKhenani kuya kulaseLebanoni, kufike ngisho nasemfuleni lomkhulu iYufrathe.

Dutheronomi 1:8

Libukeni-ke lonkhe lelo live lenginiphe lona. Ngenani kulo nilidle lelive Simakadze lafunga ngalo kutsi utalipha bokhokho benu bo-Abrahama, na-Isaka, naJakobe, kanye netitukulwane tabo letiyawuvela emvakwabo.’ ”

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Dutheronomi 2:33

Simakadze Nkulunkulu wetfu wamnikela kitsi, samncoba yena nemadvodzana akhe kanye nesive sakhe sonkhe.

Dutheronomi 2:36

Kusukela e-Aroyeri lesemngcengcemeni weSihosha sase-Anoni, kanye nekusuka edolobheni lelisesikhunjini semfula, kuze kuyewufika eGileyadi kwabate ngisho nalinye lidolobha lelaba ngetulu kwemandla etfu. Simakadze Nkulunkulu wetfu wawanikela kitsi onkhe.

Dutheronomi 20:16

“Noko kulamadolobha aletive Simakadze Nkulunkulu wenu lanipha wona kutsi abe lifa lenu, akubete nome kunye lenikushiya kuphila.

Dutheronomi 3:2

Kodvwa Simakadze wakhuluma kimi, watsi: ‘Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.’

Dutheronomi 6:19

nicitse tonkhe titsa tenu embikwenu, njengobe Simakadze asho.

Dutheronomi 9:3

Kodvwa banini nesiciniseko lamuhla kutsi Simakadze Nkulunkulu wenu nguye lohamba embikwenu njengemlilo locotfulako. Utababhubhisa, abehlule embikwenu nibuka. Nitawubakhipha nibacedze ngekushesha, njengobe Simakadze anetsembisa.

Joshuwa 1:4

Live lenu liyawujuba ngelihlane ligudle iLebanoni kuye emfuleni lomkhulu iYufrathe, lidzabule live lemaHethi, kudzimate kufike eLwandle Lolukhulu ngasenshonalanga.

Joshuwa 10:19

Kodvwa nine ningemi, chubekani niticoshe letitsa tenu kusukela kuleto letingasemuva, ningativumeli kubuyela emadolobheni ato, ngobe Simakadze Nkulunkulu wenu sewutinikele etandleni tenu.”

Joshuwa 10:8

Simakadze wakhuluma kuJoshuwa, watsi: “Ungabesabi, ngibanikele esandleni sakho. Kute namunye wabo loyawukhona kumelana nawe.”

Joshuwa 13:6

“Tonkhe takhamiti tetifundza tetintsaba kusuka eLebanoni kuye eMisrefothi Mayimu, lokusho kutsi, onkhe emaSidoni, mine matfupha ngitatikhipha embikwema-Israyeli. Wena-ke lelive ubolabela ema-Israyeli ngenkatho, libe live lawo njengobe ngikuyalile.

Joshuwa 2:24

Letinhloli takhuluma kuJoshuwa, tatsi: “Ngempela Simakadze lonkhe lelive ulinikele etandleni tetfu; bonkhe bantfu bakulelive bayatfutfumela ngatsi.”

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.

Joshuwa 23:14

“Manje sengitawuhamba ngendlela yemhlaba wonkhe, ngitakufa. Nani niyati ngenhlitiyo yenu yonkhe nangemphefumulo wenu wonkhe kutsi kute nome sinye setsembiso lesingazange sifezeke kuto tonkhe letetsembiso letinhle Simakadze Nkulunkulu wenu laninike tona. Tonkhe tetsembiso takhe tifezekile; kute nasinye lesingazange sifezeke.

Joshuwa 24:11

“ ‘Nabe senewela iJordane, nefika eJerikho, bantfu baseJerikho balwa nani, njengobe enta njalo nema-Amori, nemaPheresi, nemaKhenani, nemaHethi, nemaGirigashi, nemaHivi, nemaJebhusi; kodvwa ngabanikela esandleni senu.

Joshuwa 24:12

Ngatfumela bomanyovu ngembili kwenu, lababadvungulula, nine nisengakefiki, kanjalo futsi nemakhosi ema-Amori lamabili. Loko anizange nikwente ngenkemba nangebutjoki benu.

Joshuwa 24:18

Simakadze watidvungulula watikhipha tonkhe leto tive embikwetfu, ngisho nema-Amori labehlala kulelive. Natsi futsi sitamkhonta Simakadze, ngobe nguNkulunkulu wetfu.”

Joshuwa 24:8

Nganiletsa eveni lema-Amori labehlala emphumalanga neJordane. Alwa nani, kodvwa ngawanikela esandleni senu. Ngawabhubhisa aphela embikwenu, navele nalidla lelo live lawo.

Joshuwa 8:18

Simakadze wase ukhuluma kuJoshuwa utsi: “Yelula sikhali sakho lesisesandleni sakho usibhekise ngase-Ayi, ngobe lelidolobha ngitalinikela esandleni sakho.” Ngako Joshuwa welulela sikhali sakhe lesasisesandleni sakhe ngasedolobheni i-Ayi.

Joshuwa 8:7

nine bese niyavuka ngemva kwabo nilitsatse lelidolobha. Simakadze Nkulunkulu wenu utalinikela etandleni tenu.

Joshuwa 9:7

Emadvodza aka-Israyeli akhuluma kulamaHivi, atsi: “Kodvwa mhlawumbe nakhelene nje natsi. Singasenta kanjani sivumelwane nani?”

Tikhulu 1:4

Kwatsi bakaJuda nabahlasela, Simakadze wanikela etandleni tabo emaKhenani nemaPheresi; babulala emadvodza lati-10 000 eBhezeki.

Tikhulu 11:21

“ ‘Simakadze Nkulunkulu wema-Israyeli wanikela Sihoni naso sonkhe sive sakhe esandleni sema-Israyeli, abehlula. Ngako baka-Israyeli balidla lonkhe lelo live ema-Amori labehlala kulo.

1 Samuweli 23:4

Davide waphindza futsi wabutisisa kuSimakadze. Simakadze wamphendvula watsi: “Yehla uye eKheyila, ngobe emaFilisti ngiwanikela esandleni sakho.”