Eksodusi 23:14 - Siswati 1996 Bible

¹⁴ “Uyawungidvumisa ngekugubha imikhosi lemitsatfu ngemnyaka.

Eksodusi 23:14 Referencias Cruzadas

1 Emakhosi 9:25

Katsatfu ngemnyaka Solomoni abenta umnikelo wekushiswa nemnikelo wekuthula elatini labelakhele Simakadze, ashise nemphepho embikwaSimakadze kanye nayo, kuze atewufeza leyo mininingwane yasethempelini.

2 Tikhronike 8:13

njengobe kwakumisiwe nguMosi macondzana nayo yonkhe iminikelo yemalanga onkhe, neyemaSabatha, neyekwetfwasa kwenyanga kanye neyemikhosi lemitsatfu yeminyaka leyayimisiwe, uMkhosi Wesinkhwa Lesingenamvubelo, neMkhosi Wemaviki kanye neMkhosi Wemadlangala.

Eksodusi 23:17

Yonkhe iminyaka, katsatfu ngemnyaka, bonkhe labadvuna bafanele bete kutewukhonta mine, iNkhosi Simakadze.

Eksodusi 34:17

“Ningatenteli bonkulunkulu lababatwe ngensimbi.

Eksodusi 34:18

“Ubowugcina uwugubhe uMkhosi Wesinkhwa Lesingenambiliso. Uyakudla sinkhwa lesite imbiliso emalanga lasikhombisa njengobe ngakuyala. Ubokwenta kusukela kulelo langa lelimisiwe ngenyanga ya-Abibi, lenaphuma ngayo eveni laseGibhithe.

Hezekeli 46:9

“ ‘Bantfu nabeta kutawukhonta Simakadze nome ngukumuphi umkhosi, labo labangena ngelisango langasenyakatfo kufanele baphume ngelisango langaseningizimu, nase bacedze kukhonta; nalabo labangene ngelisango langaseningizimu kufanele baphume ngelisango langasenyakatfo. Kute namunye lokufanele aphume ngelisango langene ngalo, kodvwa kufanele aphume ngalelinye lisango lelimalungana nalelo langene ngalo.

Levithikusi 23:16

Niyawubala emalanga langema-50 kuze kuyewuba lilanga lelilandzela liSabatha, bese niletsa kuSimakadze umnikelo wesivuno lesisha.

Levithikusi 23:34

“Shano kubantfwana baka-Israyeli utsi: ‘Ngelilanga leli-15 kulenyanga yesikhombisa, emalanga lasikhombisa ngeweMkhosi Wemadlangala kuSimakadze wenu.

Levithikusi 23:4

Lena ngimikhosi lemiswe nguSimakadze, imikhosi lengcwele, yemihlangano yekukhonta, leniyawuyimemetela ngesikhatsi lesimiselwe yona.’ ”

Levithikusi 23:5

“ ‘LiPhasika laSimakadze liyawucala kugujwa kusukela nakudzabuka kusa ngelilanga leli-14 enyangeni yekucala.

Dutheronomi 16:1

“Njalo nje ngenyanga ya-Abibi nibowugcina niwugubhe uMkhosi weliPhasika laSimakadze Nkulunkulu wenu, ngobe ngayo lenyanga wanikhipha ebusuku eGibhithe.

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

1 Samuweli 1:3

Yonkhe iminyaka lendvodza yayisuka edolobheni layo yenyuke iyewukhonta inikele ngemihlatjelo kuSimakadze longuSomandla eShilo, lapho boHofni naFinehasi, emadvodzana a-Eli, babebaphristi baSimakadze khona.