Eksodusi 23:11 - Siswati 1996 Bible

¹¹ kodvwa ngemnyaka wesikhombisa uyawuyiphumuta ungayilimi, ungavuni lutfo loluhlume kuyo, kuze kutsi labaphuyile besive sakho badle kuyo, lokusele kuyo kudliwe tilwane tesiganga. Uyawukwenta njalo nasesivinini sakho kanye nasensimini yakho yemincumo.

Eksodusi 23:11 Referencias Cruzadas

Nehemiya 10:31

“Ngesikhatsi labantfu lesakhelene nabo nabeta netintfo tabo tekutsengiswa nome emabele nemimbila yabo ngemaSabatha batsi batesitsengisela, ngeke sitsenge lutfo lwabo ngeliSabatha, ngisho nangalelinye nje lilanga lelingcwele. “Njalo nje ngemnyaka wesikhombisa singeke siwulime umhlaba, futsi siyawucisha tonkhe tikwelede.

Nehemiya 10:32

“Siyawuvuma umtfwalo wekwenta yonkhe imiyalo sikhiphe emagremu langaba mane esiliva yonkhe iminyaka umuntfu amunye, sentele kuhlangabetana nato tonkhe tindleko tasendlini yaNkulunkulu wetfu:

Eksodusi 23:10

“Uyawulima insimi yakho uyivune iminyaka lesitfupha;

Eksodusi 23:12

“Uyawusebenta emalanga lasitfupha, kodvwa ngelilanga lesikhombisa ungasebenti, kuze kutsi tifuyo takho, netigcili letitalelwe kakho, kanye nebetive labasebenta kakho batewuphumula.

Levithikusi 25:20

“ ‘Ningabuta nitsi: “Pho, sitawudlani ngemnyaka wesikhombisa, nasingalimi singavuni lutfo loludliwako?”

Levithikusi 25:22

Niyawutsi nihlanyela ngemnyaka wesiphohlongo, nibe nisadla kudla lokudzala kuze kuvunwe kudla kwemnyaka wemfica.’ ”

Numeri 16:14

Ngetulu kwaloko awukasimikisi eveni leligcwele lubisi neluju lwetinyosi, nelifa lemasimi netivini. Ucabanga kutsi lamadvodza langaka ungawenta timphumphutse? Singeke site.”

Dutheronomi 15:11

Bantfu labamphofu bayawuhlala bakhona njalo nje eveni. Ngako-ke ngiyaniyala ngitsi banini ngulabephanako kubomnakenu, nakulabamphofu, nalabeswele eveni lenu.”