Eksodusi 22:9 - Siswati 1996 Bible

⁹ “Nangabe kukhona kubangisana ngetimphahla nome ngetinkhomo, nome ngetimbongolo, nome ngetimvu, nome ngekwekwembatsa, nome ngabe yini lelahlekile, ngulowo nalowo atsi kwakhe, leyontfo kufanele iletfwe embikwaNkulunkulu. Lona lotawulahlwa nguNkulunkulu ngelicala, lenkhokhelo utayenana ngalokuphindvwe kabili.

Eksodusi 22:9 Referencias Cruzadas

Genesisi 31:39

Ngisho naleti letatidliwe tilwane tesiganga ngangingatiletsi kuwe, kodvwa ngangivele ngitenane ngetami. Nawe wawuvele utifune kimi letebiwe emini nome ebusuku.

1 Emakhosi 8:31

“Nangabe umuntfu ona makhelwane wakhe, bese kufuneka nekutsi ente sifungo, ete atewufunga embikwelilati lakho kulelithempeli,

2 Tikhronike 19:10

Kulelo nalelo cala leliletfwe kini liphuma kusakhamuti salamadolobha, nome ngabe lekucitsa ingati nome ngabe lekwephula umtsetfo, nemiyalo kanye netimiso, kufanele nibeluleke kutsi bangoni kuSimakadze; ngaphandle kwaloko intfukutselo yaSimakadze itakwehlela kini nakubomnakenu. Nibokwenta loko, khona ningetikona.

Eksodusi 22:10

“Nangabe umuntfu avume kulomunye kutsi asiselwe imbongolo, nome inkhabi, nome imvu, nome ngusiphi nje sifuyo, bese lesifuyo siyafa, nome siyalimala, nome sitfunjwe, kubete nafakazi,

Eksodusi 22:28

“Ungakhulumi kabi ngaNkulunkulu, ungamcalekisi umholi wesive sakho.

Eksodusi 22:4

“Nangabe lesilwane lelisebile lelisela sitfolakale kulo sisaphila, nome yimbongolo, nome yimvu, liyawukwenana ngalokuphindvwe kabili.

Levithikusi 6:5

nome ngabe ufungele emanga, uyawukhokha inhlawulo lephelele, aphindze engete kwesihlanu ngetulu, akubuyisele kumnikati ngelilanga laletsa ngalo umnikelo wakhe welicala.

Matewu 18:15

“Nangabe umzalwane onile nome akonile, hamba kuye umbonise liphutsa lakhe ninobabili. Nakulalela, uyawube umzuzile lomzalwane.

Matewu 18:35

“Kanjalo-ke naBabe wami wasezulwini uyawukwenta loko kini naningatsetseleli bazalwane benu ngetinhlitiyo letiphelele.”

Dutheronomi 25:1

“Nangabe emadvodza abanga lokutsite, kufanele akumikise enkantolo, behluleli bayekulijuba lelo cala, bavikele longenacala balahle lonelicala.