Eksodusi 22:4 - Siswati 1996 Bible

⁴ “Nangabe lesilwane lelisebile lelisela sitfolakale kulo sisaphila, nome yimbongolo, nome yimvu, liyawukwenana ngalokuphindvwe kabili.

Eksodusi 22:4 Referencias Cruzadas

Eksodusi 21:16

“Lotfumba lomunye umuntfu entele kumtsengisa nome kumenta sigcili kufanele abulawe.

Eksodusi 22:1

“Nangabe umuntfu ebe inkhomo nome imvu bese uyayibulala uyayitsengisa, kufanele akhiphe inkhokhelo yalenkhomo ibe tinkhomo letisihlanu, inkhokhelo yemvu ibe timvu letine.

Eksodusi 22:5

“Nangabe umuntfu atsite aselusile tinkhomo, taphunyuka tangena ensimini tadla emabele ebantfu, kufanele akhiphe kudla kwakhe kube yinkhokhelo yalamabele ladliwe.

Eksodusi 22:7

“Nangabe umuntfu avumile kulondvolotela lomunye imali nome letinye nje tintfo, bese letintfo tiyebiwa la endlini, lelisela nalitfolakele litawutenana ngalokuphindvwe kabili.

Eksodusi 22:9

“Nangabe kukhona kubangisana ngetimphahla nome ngetinkhomo, nome ngetimbongolo, nome ngetimvu, nome ngekwekwembatsa, nome ngabe yini lelahlekile, ngulowo nalowo atsi kwakhe, leyontfo kufanele iletfwe embikwaNkulunkulu. Lona lotawulahlwa nguNkulunkulu ngelicala, lenkhokhelo utayenana ngalokuphindvwe kabili.

Taga 6:31

kodvwa nangabe libanjwa, kufanele likukhokhe sekuphindvwe kasikhombisa, tonkhe timphahla tendlu yakhe atetfule.

Isaya 40:2

“Khulumani kahle kubaseJerusalema, nimemetele kubo kutsi umshikashika wabo wemsebenti sewuphelelisiwe, nekutsi licala lesono sabo selihlawulelwe, nekutsi sebatfole ngalokuphindziwe esandleni saSimakadze ngaletono tabo.”

Jeremiya 16:18

Ngitabaphindzisela ngalokuphindziwe ngenca yetono tabo nangebubi babo, ngobe balingcolisile live lami ngetinhlobonhlobo tetitfombe tabo letingenamphefumulo, bagcwalisa lifa lami ngetithico tabo letinengekako.”

Levithikusi 6:5

nome ngabe ufungele emanga, uyawukhokha inhlawulo lephelele, aphindze engete kwesihlanu ngetulu, akubuyisele kumnikati ngelilanga laletsa ngalo umnikelo wakhe welicala.

Sembulo 18:6

Yiphatseni njengobe beyibaphetse labanye, nibuyisele kuyo ngalokuphindziwe, kuye ngemisebenti yayo. Nigcwalise indzebe yayo ibe nemandla ngalokuphindziwe kuloko leyakwenta kini.

1 Samuweli 12:5

Samuweli wakhuluma kubo, watsi: “Simakadze ngufakazi lomelene nani, kantsi nalogcotjiwe wakhe ungufakazi lamuhla nje kutsi anikatfoli cala etandleni tami.” Nabo batsi: “Ungufakazi.”