Eksodusi 20:5 - Siswati 1996 Bible

⁵ Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Eksodusi 20:5 Referencias Cruzadas

2 Samuweli 21:1

Kwaba nendlala lenkhulu ngesikhatsi sekubusa kwaDavide, kwadzimate kwaphela iminyaka lemitsatfu ilandzelana. Ngako Davide wafunisisa buso baSimakadze ngaloko. Simakadze watsi: “Loku kungenca yaSawula nangendlu yakhe lebovu ingati, kungobe Sawula wabulala bantfu baseGibeyoni.”

2 Samuweli 21:6

sicela kutsi sinikwe batukulu bakhe labasikhombisa labadvuna, batewulengiswa lapha embikwaSimakadze eGibeya, edolobheni lakhe Sawula, inkhosi leyakhetfwa nguSimakadze.” Inkhosi yabaphendvula yatsi: “Ngitaninika bona.”

1 Emakhosi 19:10

Elija waphendvula watsi: “Benginenshisekelo lenkhulu yekukhonta wena Simakadze, Nkulunkulu Somandla. Kodvwa sive saka-Israyeli sisilahlile sivumelwane sakho, sabhidlita emalati akho, sabulala baphrofethi bakho ngenkemba. Ngimi ngedvwa losasele, kodvwa nami sebafuna kungibulala.”

1 Emakhosi 21:29

“Ubonile yini kutsi Ahabi utitfobe kanjani embikwami? Ngenca yekutsi utitfobile kimi, ngingeke ngisamehlisela lesigemegeme etikhatsini takhe, kodvwa ngiyawusehlisela etikwendlu yakakhe ngesikhatsi sekubusa kwemsa wakhe.”

2 Emakhosi 17:35

Mzukwana Simakadze enta sivumelwane nema-Israyeli, wabayala watsi: “Ningabakhonti labanye bonkulunkulu, futsi ningabakhotsameli, nibasebentele nome nibahlabele imihlatjelo.

2 Emakhosi 17:41

Nangesikhatsi labantfu sebakhonta Simakadze, kodvwa babesachubeka nekukhonta tithico tabo. Kuze kube ngulamuhla loku, bantfwababo, nebantfwana bebantfwababo basachubeka nekwenta njengaboyisemkhulu.

2 Emakhosi 23:26

Noko nome kunjalo, Simakadze akazange agucuke ekufutsekeni kwentfukutselo yakhe leyavutsela Juda ngenca yako konkhe Manase lakwenta kwamtfukutselisa.

2 Emakhosi 5:18

Shangatsi Simakadze angayitsetselela inceku yakho kuloku: Inkhosi yami nayingena ethempelini laRimoni kuyawukhotsama yeyame emkhonweni wami, nami ngikhotsame lapho, nangikhotsama ethempelini laRimoni, shangatsi Simakadze angayitsetselela inceku yakho ngaloko.”

2 Emakhosi 5:27

Bulephelo baNamani sebutawunamatsela kuwe kanye nasetitukulwaneni takho siphelane.” Watsi Gehazi nakaphuma, esuka embikwa-Elisha, wabe asanebulephelo asamhlophe njengangcocwane.

2 Tikhronike 25:14

Watsi Amasiya nakabuya kuyawubulala baka-Edomu, wabuya netithico tebantfu baseSeyiri, wafike watimisa taba tithico takhe, wakhotsama embikwato, washisa imihlatjelo embikwato.

2 Tikhronike 7:19

“Kodvwa nangabe nine nigucuka nifulatsela timiso tami nemiyalo yami lenginiyale ngayo, nihambe niyewukhonta labanye bonkulunkulu nikhuleke kubo,

Jobe 21:19

Kutsiwa: ‘Nkulunkulu ujezisa bantfwana ngenca yetono letentiwa nguyise.’ Cha! Nkulunkulu akajezise toni cobo lwato, kuze titewukwati kahle.

Jobe 5:4

Bantfwabaso bakhashane kabi nekuphepha, kute namunye lobemelelako emacaleni asetinkhundleni.

Tihlabelelo 109:14

Shangatsi Simakadze angakhumbula bubi baboyise, nesono senina singete sesulwa.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Tihlabelelo 79:8

Ungasibeki licala ngebubi babokhokho betfu, sheshisa usihlangabete ngesihawu sakho, ngobe sesidzangele kakhulu.

Tihlabelelo 81:15

Labangitondzako bebetawuta embikwami, bete bashosha phansi ngemadvolo, kujeziswa kwabo kuhlale ingunaphakadze.

Eksodusi 23:24

Ningabakhotsameli bonkulunkulu babo, ningabakhonti, ningayenti nemikhuba yabo yekukhonta. Bonkulunkulu babo nibobabhidlita kanye netinsika tabo tematje.

Eksodusi 34:14

“Ningamkhonti lomunye nkulunkulu, ngobe loSimakadze lobitwa ngekutsi nguSikhwele unguNkulunkulu lonesikhwele.

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Isaya 44:15

Umuntfu ukusebentisa ekubaseni umlilo; lokunye kwako akutsatse atifutfumete ngako, ubasa umlilo apheke sinkhwa. Kodvwa uphindze abate nkulunkulu wakhe, bese uyamkhonta; wenta sithico, bese ukhotsama kuso.

Isaya 44:19

Kute loke eme, acabangisise. Kute namunye lonelwati; kute nalonekucondza lotsi: “Incenye yalolukhuni ngiyibasile, ngidzimate ngapheka nesinkhwa kulamalahle alo, ngose inyama, ngayidla. Pho, ngingayenta yini intfo lesinengiso ngalolukhuni lolusele? Ngingasikhotsamela yini lesizemuzemu selugodvo?”

Jeremiya 2:9

“Ngako-ke ngiyaphindza nginibeka emacala,” kusho Simakadze. “Yebo, nebantfwana bebantfwabenu ngiyawubabeka emacala.

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Hezekeli 18:19

“Kodvwa nine niyabuta nitsi: ‘Kwentiwa yini kutsi indvodzana ingetfwali licala leyise?’ Njengobe indvodzana yente lokulungile nalokucotfo, futsi beyivele icaphele kutsi igcine tonkhe timiso tami, ngempela iyawuphila.

Hezekeli 18:2

“Nisho kutsini nine bantfu nanisuke nicaphune lesaga eveni lema-Israyeli lesitsi: “ ‘Boyise badla emagelebisi lamunyu, bese kutsi ematinyo ebantfwana ayaphatima’?

Hezekeli 20:7

Ngabuye ngatsi kubo: “Ngulowo nalowo wenu akalahle letitfombe letenyanyekako lese nibeke emehlo enu kuto, ningatingcolisi ngaletitfombe taseGibhithe. NginguSimakadze Nkulunkulu wenu.”

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hezekeli 8:3

Welula loko lokwakungatsi kusandla, wangibamba ngesihlutfu. Moya wangiphakamisela emkhatsini wemhlaba nelizulu: Wangitsatsa embonweni waNkulunkulu, wangitsatsa saya eJerusalema, ekungeneni kwelisango langasenyakatfo lesibuya lesisekhatsi nekhatsi, lapho kwakume khona lesithico lesibanga intfukutselo lenkhulu.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Danyela 3:18

Kodvwa-ke nome angakakwenti loko, sifuna kutsi wena wati, nkhosi, kutsi tsine singeke sibakhonte labonkulunkulu bakho, nome sikhotsame kulesithico sakho segolide losimisile.”

Levithikusi 20:5

ngiyawubufulatselisa buso bami kulowo muntfu kanye nasemndenini wakhe kanye nakulabo labamlandzelako ngekugwadla nekuphinga kwakhe naMoloki, angihlubuka.

Levithikusi 26:1

“ ‘Ningatenteli nkulunkulu nome sithico lesibatwe ngelitje, nome umfanekiso waluphi luhlobo lobatwe ngelitje eveni lenu kutsi nitewukhotsama embikwawo. NginguSimakadze, Nkulunkulu wenu.

Levithikusi 26:29

Niyawudla inyama yemitimba yemadvodzana nemadvodzakati enu.

Nahume 1:2

Simakadze nguNkulunkulu lonesikhwele nalophindziselako. Simakadze uyabuyisela, futsi ugcwele intfukutselo. Simakadze uyatiphindziselela etitseni takhe, ehlisele njalo lulaka lwakhe kulabo labemelene naye.

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Numeri 14:33

Bantfwabenu batawuba belusi khona lapha, kuze kuphele iminyaka lengema-40, bahlupheka ngenca yekungetsembeki kwenu, kuze kufe newekugcina wenu.

Numeri 25:11

“Finehasi, umsa wa-Eleyazare, lotalwa ngu-Aroni, umphristi, sewukuncandzile kutfukutsela kwami ngitfukutselela sive sema-Israyeli, ngobe nguye yedvwa emkhatsini wabo lobe nenshisekelo yekugcina ludvumo lwami; ngiko nje ngingakasicedzi ngelulaka sive sema-Israyeli.

Matewu 4:9

watsi kuye: “Konkhe loku ngitakunika kona, nawungamane uwe phansi nje, ungikhotsame.”

Johane 15:18

“Nangabe live liyanitondza, nibokhumbula kutsi lacala latondza mine.

Johane 7:7

Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

Johane 9:2

Bafundzi bakhe bambuta batsi: “Mfundzisi, kwabangelwa sono sabani lokutsi lomuntfu atalwe ayimphumphutse? Sono sakhe yini nome sebatali bakhe?”

KubaseRoma 1:30

Bakhuluma kabi ngalabanye, batondze Nkulunkulu, bangahloniphi, batigcabhe, batikhukhumete, bacambe lokubi, bangahloniphi batali babo;

KubaseRoma 8:7

Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.

Dutheronomi 32:41

nangilola inkemba yami lekhaliphako ngiyibambe ngesandla sami nangehlulela, ngiyakuphindzisela etitseni tami, ngitiphindzisele kulabo labangitondzako.

Dutheronomi 4:24

Ngobe Simakadze Nkulunkulu wenu ungumlilo locotfulako, unguNkulunkulu lonesikhwele.

Dutheronomi 5:10

kodvwa ngentela lutsandvo kuto titukulwane letitinkhulungwane talabangitsandzako bagcine imiyalo yami.

Dutheronomi 5:9

Ungasikhotsameli nome usikhonte; ngobe mine, Simakadze Nkulunkulu wakho, nginguNkulunkulu lonesikhwele, ngijezisa bantfwana ngesono saboyise esitukulwaneni sesitsatfu nesesine kulabo labangitondzako,

Dutheronomi 6:15

ngobe Nkulunkulu wenu, losemkhatsini wenu, nguNkulunkulu lonesikhwele; nentfukutselo yakhe itanivutsela inishise inicedze niphele nya kulelive.

Dutheronomi 7:10

kodvwa labo labamtondzako uyawuphindzisela kubo yena matfupha ngekubabhubhisa; angeke alibale kuphindzisela kubo babukile labo labamtondzako.

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.

Joshuwa 23:16

Nanisephula lesivumelwane saSimakadze Nkulunkulu wenu, laniyale ngaso, nahamba nakhonta labanye bonkulunkulu, nakhotsama embikwabo, intfukutselo yaSimakadze itanivutsela, nibhubhe ngekushesha kulelive lelihle laniphe lona.”

Joshuwa 23:7

Ningatihlanganisi nato letive letisasele tilapha emkhatsini wenu. Ningacali nikhuleke nome nifunge ngaleto tithico tato. Kufanele ningatikhonti nome nikhotsame kuto.

Joshuwa 24:19

Joshuwa wakhuluma kulabantfu, watsi: “Ningeke nikhone kukhonta Simakadze. Nkulunkulu ungcwele; unguNkulunkulu lonesikhwele. Angeke akutsetselele kumhlubuka kwenu netono tenu.

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.