Eksodusi 20:12 - Siswati 1996 Bible

¹² “Hlonipha uyihlo nenyoko, khona tinsuku takho titakwandza kulelive lengikunika lona.

Eksodusi 20:12 Referencias Cruzadas

Genesisi 48:12

Josefa wase uyawesusa emadvodzana akhe emadvolweni aJakobe, wakhotsama abhekise buso bakhe phansi.

Genesisi 50:12

Ngako emadvodzana aJakobe enta njengobe abewayalile.

1 Emakhosi 2:19

Watsi Bhatisheba nakaya enkhosini Solomoni kuyawukhulumela Adoniya, inkhosi yasukuma yamhlangabeta, yamkhotsamela, yase ihlala phansi esihlalweni sayo sebukhosi. Bekanesihlalo sebukhosi lesasiletselwe unina, lafike wahlala kuso, ngesekudla senkhosi.

2 Emakhosi 2:12

Elisha wakubona loko wakhala, amemeta, watsi: “Babe wami! Babe wami! Incola yaka-Israyeli nebagibeli bakhe bemahhashi!” Elisha akazange aphindze ambone futsi. Ngenca yekudzabuka kwakhe Elisha watsatsa lesembatfo sakhe wasidzabula, saba ticephu letimbili.

Eksodusi 21:15

“Loshaya uyise nome unina kufanele abulawe.

Eksodusi 21:17

“Localekisa uyise nome unina kufanele abulawe.

Taga 15:5

Silima siyakwedzelela kuyalwa nguyise; kodvwa indvodzana leyemukela kuyalwa inekucondza.

Taga 17:6

Kubantfu labadzala kungumchele lomuhle kuba nebatukulu; nasetinsizweni kunjalo, boyise baludvumo lwato.

Taga 20:20

Umuntfu localekisa uyise nome unina siphetfo sakhe siyawufanana nekucima kwesibane ebumnyameni lobuphatsekako.

Taga 28:24

Umuntfu lowebela uyise nenina abe atiyenga atsi: “Akusiso sono loko,” ufanana nesigelekece lesisidlova.

Taga 3:16

Imphilo lendze isesandleni sako sekudla, kantsi esandleni sako sesancele kunengcebo neludvumo.

Taga 30:11

Labanye bantfu bacalekisa boyise, bangabongi ngisho nekubonga kubonina.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Jeremiya 35:18

Ngako Jeremiya wakhuluma kulomndeni wemaRekhabi, watsi: “Naku lokushiwo nguSimakadze longuSomandla, Nkulunkulu wema-Israyeli, utsi: ‘Niwulalele nawenta umyalo wakhokho wenu Jonadabi, nenta konkhe lanitjela kona kutsi nibokwenta.’

Jeremiya 35:7

Waphindze watsi futsi: ‘Ningacali nakhe tindlu, nihlanyele inhlanyelo nome tivini. Ningacali nibe nako ngisho nome kunye kwaletintfo, kodvwa kufanele nihlale emathendeni ngato tonkhe tikhatsi. Ngenca yaloko niyawuphila sikhatsi lesidze kulelo live, lapho niyimihambima khona.’

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Levithikusi 19:3

Nguloyo naloyo kufanele ahloniphe unina neyise, agcine emaSabatha ami. NginguSimakadze, Nkulunkulu wenu.

Levithikusi 19:32

“ ‘Niyawutitfoba embikwalasebakhulile, nibahloniphe, nidvumise Nkulunkulu wenu. NginguSimakadze.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 19:19

hlonipha uyihlo nenyoko; utsandze makhelwane wakho njengobe utitsandza wena.”

Makho 10:19

Uyayati imiyalo letsi: ‘Ungabulali, ungaphingi, ungebi, ungafakazi emanga, ungatsatsi lutfo ngebucili, hlonipha uyihlo nenyoko.’ ”

Makho 7:10

Mosi watsi: ‘Hlonipha uyihlo nenyoko,’ nekutsi: ‘Umuntfu lowetfuka uyise nome unina, akabulawe afe.’

Lukha 18:20

Uyayati imiyalo letsi: ‘Ungaphingi, ungabulali, ungebi, ungacali emanga, hlonipha uyihlo nenyoko’?”

Kubase-Efesu 5:21

Nitfobelane ngenca yekwesaba Khristu.

Dutheronomi 11:8

“Niboyigcina yonkhe imiyalo lengininika yona lamuhla, khona nitewucina nilidle lelive leningena kulo kutsi nitewulenta libe lenu,

Dutheronomi 11:9

nekutsi nitewuphila imphilo lendze kulelo live leligcwele lubisi neluju lwetinyosi, Simakadze lafunga ngalo kubokhokho benu kutsi utalinika bona kanye netitukulwane tabo.

Dutheronomi 21:18

“Nangabe umuntfu anendvodzana lenenkhani kantsi futsi ayiva, lengabahloniphi boyise nenina, lengabalaleli ngisho nome sebayijezisa,

Dutheronomi 25:15

Kufanele ube netisindvo netilinganiso letikahle naletisemtsetfweni, khona utewuphila sikhatsi lesidze eveni Simakadze Nkulunkulu wenu lanipha lona.

Dutheronomi 27:16

“ ‘Ucalekisiwe umuntfu lowedzelela uyise nome unina.’ “Bonkhe bantfu bayawuphendvula batsi: ‘Amen.’

Dutheronomi 32:47

Lamavi akusiwo emavi lalite kini, akuphila kwenu. Niyawuphila ngawo sikhatsi lesidze kulelo live lenewela iJordane kuyakulidla.”

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.

Dutheronomi 4:40

Gcinani timiso takhe nemiyalo yakhe lengininika yona lamuhla, kuze kulungele nine nebantfwabenu, khona nitewuphila siphelane kulelo live Simakadze Nkulunkulu wenu lanipha lona.”

Dutheronomi 5:16

“ ‘Hlonipha uyihlo nenyoko, njengobe Simakadze Nkulunkulu wakho akuyala, khona utewuphila sikhatsi lesidze kuze kukuhambele kahle eveni Simakadze Nkulunkulu wakho lakupha lona.

Dutheronomi 5:33

Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”

Dutheronomi 6:2

khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.

KubaseKholose 3:20

Bantfwana, lalelani batali benu etintfweni tonkhe, ngobe nguloko lokutsandvwa yiNkhosi.

Ruthe 3:6

Ngako-ke Ruthe wewuka waya ebaleni lekubhulela kolo, wenta njengobe uninatala abemtjelile.

1 Samuweli 22:3

Davide wesuka lapho waya eMispa yakaMowabi, wafike wakhuluma enkhosini yakhona, watsi: “Ngicela kukhontela bobabe namake bahlale lapha kakho, ngize ngati kahle kutsi Nkulunkulu utangentelani.”