Eksodusi 2:21 - Siswati 1996 Bible

²¹ Ngako Mosi wavuma kuhlala ekhaya kalendvodza. Rehuweli wamendzisela intfombi yakakhe lekwakunguSiphora.

Eksodusi 2:21 Referencias Cruzadas

Eksodusi 2:10

Watsi nasakhulakhulile lomntfwana, wamtsatsa wammikisa kulendvodzakati yaFaro. Lendvodzakati yaFaro yamfaka esiswini sayo, waba ngumntfwanayo, yatsi: “Njengobe ngimkhiphe emantini, ngitametsa ngitsi nguMosi.”

Eksodusi 2:20

Wawabuta watsi: “Uphi kepha lomGibhithe? Nimshiyeleni? Hambani nimlandze ete lapha ekhaya atewutfola lokudliwako.”

Eksodusi 3:1

Kwatsi ngalelinye lilanga Mosi eluse umhlambi wetimvu netimbuti teyisetala, Jethro, labengumphristi wakaMidiyani, asachuba lomhlambi weyisetala ayakuwelusela ngesheya kwelihlane, wadzimate wefika eHorebe, intsaba yaNkulunkulu.

Eksodusi 4:18

Mosi wabuyela kuJethro, uyisetala, watsi kuye: “Ngicela umane ungivumele ngibuyele eGibhithe, ngiyewuhlola bantfu bakitsi kutsi basekhona yini labasaphila.” Jethro wamvumela, wamvalelisa kahle watsi: “Hamba, ngikufisela inhlanhla lenhle.”

Numeri 10:29

Mosi wakhuluma kuHobabi, umsa waRehuweli, umMidiyani, uyisetala waMosi, watsi: “Tsine sesiyatfutsa lapha, sesiya eveni latsi Simakadze utasinika lona. Hamba kanye natsi, sitakuphatsa kahle, ngobe Simakadze ema-Israyeli uwetsembise tintfo letinhle.”

Numeri 12:1

BoMiriyamu na-Aroni bakhuluma kabi ngaMosi, bamsola kutsi abetsetse umfati labengumKushe. Phela Mosi bekashade umfati labengumKushe.

Imisebenti yebaPhostoli 7:29

Watsi nakuva loko Mosi wabaleka eGibhithe waye wahlala njengesihambi eveni lakaMidiyani. Watalela khona emadvodzana lamabili.

1 kuThimothi 6:6

Vele kuyinzuzo lenkhulu kwesaba Nkulunkulu kanye nekweneliseka.

KumaHebheru 11:25

Wakhetsa kuhlupheka nesive saNkulunkulu kunekutijabulisa esonweni kwesikhashana.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

YaJakobe 1:10

Kepha locebile akatincome ngekwehliswa kwakhe, ngobe uyakwendlula njengembali yesiganga.