Eksodusi 19:22 - Siswati 1996 Bible

²² Ngisho nebaphristi labatakuta basondzele la kimi kufanele batihlambulule kucala, ngaphandle kwaloko ngitawubajezisa.”

Eksodusi 19:22 Referencias Cruzadas

1 Tikhronike 15:13

Kungobe nine, maLevi, anilenyusanga kwekucala, ngako-ke Simakadze wasitfukutselela ngaleso sikhatsi. Asizange sike sibute kuSimakadze kutsi singakwenta kanjani njengobe kubhaliwe.”

2 Tikhronike 30:15

Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

2 Tikhronike 30:3

Babehlulekile kuligubha ngetikhatsi talo ngembili kwaloko, ngobe babengakeneli baphristi lababetingcwelisile, kantsi nebantfu babesengakahlangani ndzawonye eJerusalema.

Eksodusi 19:24

Simakadze wakhuluma kuMosi watsi: “Yewuka ulandze Aroni, ukhuphuke naye ete la; kodvwa ucaphele baphristi nebantfu bangawengci lomnyele kuta kimi, mine Simakadze, ngobe nabawengca, ngitabajezisa.”

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Eksodusi 24:5

Watfuma emajaha etive tema-Israyeli, anikela iminikelo yekushiswa, ngemihlatjelo ngetinkunzana taba ngiminikelo yekuthula kuSimakadze.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Levithikusi 21:6

Kufanele babe ngcwele embikwaNkulunkulu wabo, bangalihlambalati libito laNkulunkulu wabo, ngobe ngabo labaletsa umnikelo lowentiwa ngemlilo kuSimakadze, sinkhwa saNkulunkulu wabo; ngako-ke kufanele babe ngcwele.

Numeri 11:18

Tjela labantfu utsi: ‘Tihlambululeni nitilungiselele likusasa; kukhona inyama lenitayidla kusasa kona loku. Simakadze univile nanikhala nitsi: “Ngubani longasipha inyama sitekudla? Sasincono eGibhithe.” Manje-ke Simakadze utanipha inyama, futsi vele nitayidla.

Imisebenti yebaPhostoli 5:10

Masinyane Safira washayeka phansi ngasetinyaweni taPhetro, wafa. Angena futsi emajaha abona kutsi sewufile, asayamtfwala amkhiphela ngephandle amngcwaba eceleni kwendvodza yakhe.

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.