Eksodusi 18:8 - Siswati 1996 Bible

⁸ Mosi walandzisa uyisetala ngako konkhe Simakadze lakwenta kuFaro nemaGibhithe kuze akhulule sive sema-Israyeli. Wamlandzisa nangebumatima labahlangabetana nabo endleleni, nekutsi Simakadze wabasindzisa kanjani kubo.

Eksodusi 18:8 Referencias Cruzadas

Genesisi 44:34

Ngingancandzeka kanjani ngiye kubabe, nangabe ngingeti naye lomfana? Ngingeke ngikumele kubona buhlungu lobungaka behlela babe ngibukile.”

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Tihlabelelo 106:10

Ngako wabasindzisa esandleni sesitsa, wabahlenga emandleni esitsa.

Tihlabelelo 106:8

Noko, Simakadze wabasindzisa, ngenca yelibito lakhe, kuze abonakalise emandla akhe lamakhulu.

Tihlabelelo 107:2

Labahlengwe nguSimakadze abasho njalo, bona labo labahlengwe emandleni ebacindzeteli babo.

Tihlabelelo 66:16

Wotani nonkhe nitewuva, nonkhe nine lenesaba Nkulunkulu, ngitanitjela ngako konkhe langentele kona.

Tihlabelelo 81:7

Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.

Eksodusi 15:16

behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.

Eksodusi 15:6

“Sandla sakho sangesekudla, Simakadze, siphakeme ngemandla. Sandla sakho sangesekudla, Simakadze, sipitjite sitsa, sasibulala.

Eksodusi 16:3

Sakhuluma kubo satsi: “Sifisa shangatsi ngabe Simakadze wamane wasibulalela khona le eGibhithe, ngobe phela lapho besitihlalela phansi ngasemabhodweni, bese sidla inyama nekudla ngekutsandza kwetfu. Kodvwa nisiletse lapha ehlane kutewusibulala ngendlala sonkhe lesive.”

Eksodusi 18:1

Jethro, uyisetala waMosi, labengumphristi wakaMidiyani, weva ngako konkhe Nkulunkulu labekwentele Mosi kanye nesive sakhe ema-Israyeli, kutsi Simakadze wabakhipha kanjani eGibhithe.

Eksodusi 2:25

Ngako Nkulunkulu wababuka bantfwana baka-Israyeli, wabanaka.

Eksodusi 23:23

Lengilosi yami iyawuhamba ngembili kwenu iningenise eveni lema-Amori, nelemaHethi, nelemaPheresi, nelemaKhenani, nelemaHivi, nelemaJebhusi, mine-ke ngibacotfule baphele nya.

Eksodusi 4:23

Ngikutjelile ngatsi: “Khulula indvodzana yami kuze ingikhonte,” kodvwa wena walile kuyikhulula. Ngako-ke ngitawubulala indvodzana yakho yematubulo.’ ”

Eksodusi 7:4

Faro angeke anilalele, ngako-ke ngiyakwehlisela sandla sami eGibhithe, ngiyijezise kabuhlungu, ngikhiphe sive sami, bantfwana baka-Israyeli, eGibhithe.

Eksodusi 7:5

EmaGibhithe ngulapho ayawungati khona kutsi nginguSimakadze, nase ngelule sandla sami ngikhulula ema-Israyeli emkhatsini wawo.”

Numeri 20:14

Mosi watfumela tigijimi kusuka eKhadeshi, taya enkhosini yaka-Edomu, tafike tatsi: “Umnakenu Israyeli utsi wena uyabati bonkhe bulukhuni lobusehlele.