Eksodusi 18:21 - Siswati 1996 Bible

²¹ Ngetulu kwaloko khetsa emadvodza lafanele, naletsembekile, lesaba Nkulunkulu, nalengatsengeki, uwabeke abe baholi: betinkhulungwane, nebemakhulu, nebema-50, nebemashumi.

Eksodusi 18:21 Referencias Cruzadas

Genesisi 22:12

Yatsi: “Ungacali ubeke sandla kulomfana, futsi ungenti lutfo kuye; ngobe manje sengiyati kutsi uyamesaba Nkulunkulu, ngekutsi awukangigodleli indvodzana yakho lekukuphela kwayo.”

Genesisi 42:18

Ngelilanga lesitsatfu Josefa wakhuluma nabo watsi: “Mine ngingumuntfu lowesaba Nkulunkulu, yentani naku kuze nitewuphila.

Genesisi 47:6

Lonkhe lelive laseGibhithe lisetandleni takho. Babeke bakhe endzaweni lencono kakhulu, abakhe eGosheni. Nakukhona labanelikhono lekwelusa emkhatsini wabo, babeke babe tindvuna tebelusi bemfuyo yami.”

2 Samuweli 18:1

Davide wabutsela onkhe lamadvodza akakhe ndzawonye, wase uwehlukanisa tigaba ngetigaba, lamanye aba tinkhulungwane, lamanye aba ngemakhulu, wase uwabekela tindvuna tawo njengekwetigaba tawo.

2 Samuweli 23:3

Nkulunkulu wema-Israyeli wakhuluma, Lidvwala laka-Israyeli latsi kimi: ‘Nangabe umuntfu ahola sive ngekulunga, asibuse ngekwesaba Nkulunkulu,

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

1 Emakhosi 18:3

na-Ahabi abesabite Obadiya, labephetse sigodlo sakhe. Obadiya abelikholwa lelalesaba Simakadze kakhulu.

Ezra 7:25

“Wena, Ezra, ngenhlakanipho yakho lonikwe yona nguNkulunkulu wakho, beka bomantji nebehluleli kutsi batewuhola behlulele bonkhe labo bantfu labangasenshonalanga nemfula iYufrathe, labayatiko imitsetfo yaNkulunkulu wakho. Nine kufanele nibafundzise bonkhe labo labangayati.

Nehemiya 5:9

Ngachubeka, ngatsi: “Loku lenikwentako kubi! Kufanele nesabe Nkulunkulu wetfu, khona ningetikunika betive labatitsa tetfu litfuba lekusihhalatisa.

Nehemiya 7:2

Ngabeka umnaketfu Hanani kutsi engamele iJerusalema abambisane naHananiya, indvuna yenqaba, ngobe Hananiya abeyindvodza leyayetsembekile yesaba Nkulunkulu kwendlula emadvodza lamanyenti.

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 29:16

Nganginguyise walabeswele, ngangiyitsatsela etulu ngiyihlolisise indzaba yalosihambi eveni.

Jobe 31:13

“Nangabe ngingakatiphatsi njengekwemtsetfo tisebenti tami letidvuna naletisikati, natinetikhalo ngami,

Tihlabelelo 15:1

Simakadze! Ngubani longaba nemvume yekungenisa ahlale ethempelini lakho, acabe umuti wakhe entsabeni yakho lengcwele?

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Eksodusi 17:9

Mosi wakhuluma kuJoshuwa watsi: “Sikhetsele emadvodza uhambe nawo uyekulwa nema-Amaleki. Mine ngitakwenyuka kusasa ngiye esicongweni seligcuma, ngiphetse indvuku Nkulunkulu langitjela kutsi ngiyiphatse.”

Eksodusi 18:25

Wakhetsa emadvodza lafanele emkhatsini wesive sonkhe sema-Israyeli. Wawabeka aba baholi betinkhulungwane, nebemakhulu, nebema-50, nebemashumi.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Isaya 16:5

bese sihlalo sebukhosi sima ngelutsandvo; nangekwetsembeka kuyawuhlala umuntfu kuso, umuntfu loyawuvela endlini yakaDavide, umehluleli loyakwehlulela ngekungakhetsi, ayisheshisise indlela yekulunga.

Isaya 33:15

Ngulowo lohamba ngekulunga, akhulume lokungiko, lowo lowala inzuzo yekucindzetela, logodla sandla sakhe singayemukeli imidizo, avale tindlebe takhe kulababopha luzungu, avale emehlo akhe ekubukeni lokubi.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Zakhariya 7:9

“Naku lokushiwo nguSimakadze longuSomandla, utsi: ‘Yehlulelani ngekwemtsetfocotfo, niphatsane ngemusa nangeluvelo kulowo nakulowo.

Zakhariya 8:16

Nati tintfo lokufanele nitente nine: Khulumani liciniso lomunye kulomunye, emasangweni enu nikhiphe sigwebo lesiliciniso nalesiveta kuthula.

Numeri 1:16

Laba-ke ngibo lababekhetsiwe kutsi babe baholi emindenini yabo. Babebaholi bemindeni yaka-Israyeli.

Numeri 1:4

Kulowo nalowo mndeni niyawucela munye loyinhloko lemelele lowo mndeni kutsi anisite.

Numeri 10:4

Kodvwa nakukhala linye licilongo kuphela, kuyawubutsana kuwe baholi bodvwa, lekungutona tinhloko tetive tema-Israyeli.

Lukha 18:2

“Kwake kwaba khona umehluleli kulelinye lidolobha lelikhulu labengamesabi Nkulunkulu angahloniphi nebantfu.

Lukha 18:4

Kwaba sikhatsi lesidze umehluleli angavumi, kodvwa ekugcineni watsi: ‘Nome ngingamesabi Nkulunkulu ngingahloniphi muntfu,

Imisebenti yebaPhostoli 20:33

“Angizange ngifise isiliva negolide nome imphahla yemuntfu.

Imisebenti yebaPhostoli 6:3

Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.

Dutheronomi 22:18

Baholi bayawutsatsa lendvodza bayijezise.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

Joshuwa 22:14

Bamtfuma wahamba nemadvodza lalishumi lahloniphekile, yaba yinye kuleso nakuleso sive etiveni taka-Israyeli, nguleyo naleyo ndvodza iyinhloko yesive sema-Israyeli, lusendvo ngelusendvo.

1 Samuweli 8:12

Lamanye awo itawabeka abe tindvuna tetinkhulungwane, lamanye abe tindvuna tema-50, lamanye alime emasimini ayo aphindze awavune, lamanye ente tikhali temphi kanye netimphahla tetincola.

1 Samuweli 8:3

Kodvwa lamadvodzana akhe akazange ahambe etinyatselweni takhe. Aphambuka angete etsembeka, emukela imidizo, agwegwisa umtsetfo.