Eksodusi 17:1 - Siswati 1996 Bible

¹ Sonkhe sive sema-Israyeli satfutsa ehlane laseSini sachubachubeka, kwaya ngekuyalwa kwaso nguSimakadze. Semisa eRefidimu, kodvwa kwakute emanti ekunatsa.

Eksodusi 17:1 Referencias Cruzadas

Eksodusi 15:22

Kusuka lapho eLwandle Lolubovu, Mosi wahola ema-Israyeli balibangisa ehlane laseShuri. Kwaphela emalanga lamatsatfu basehlane bangawatfoli emanti.

Eksodusi 16:1

Sonkhe sive sema-Israyeli sesuka e-Elimu. Kwatsi ngelilanga leli-15 enyangeni yesibili siphumile eGibhithe, sefika ehlane laseSini, emkhatsini we-Elimu neSinayi.

Eksodusi 17:8

BaseseRefidimu, ema-Amaleki efika atewuhlasela ema-Israyeli.

Eksodusi 19:2

Satsi kube sisuke eRefidimu, sahamba saze sefika ehlane laseSinayi; ngulapho sefika semisa khona, sabukana nentsaba.

Numeri 20:2

Kwakute emanti kuleyo ndzawo, ngako bantfu babutsana ndzawonye basola boMosi na-Aroni.

Numeri 9:17

Kwakutsi nangabe lifu liphakama etikwelithende, ema-Israyeli atfutse, litsi lapho lima khona, ema-Israyeli nawo emise khona.

Numeri 9:23

Simakadze abetsi angawatjela kutsi akeme, nawo eme, atsi angawatjela kutsi akahambe vele nawo ahambe, alalela umyalo waSimakadze ngesandla saMosi.