Eksodusi 16:7 - Siswati 1996 Bible

⁷ Kusasa ekuseni nitawubona inkhatimulo yebukhona baSimakadze, ngobe ukuvile kukhonona kwenu ngaye. Tsine besiyini nje kutsi ningakhonona ngatsi?”

Eksodusi 16:7 Referencias Cruzadas

Eksodusi 16:10

Watsi Aroni asakhuluma kubo, bagucuka babuka ngasehlane babona inkhatimulo yebukhosi baSimakadze ibonakala efini.

Eksodusi 16:12

“Ngikuvile kukhonona kwebantfu baka-Israyeli. Batjele utsi: ‘Kusihlwa nitawudla inyama, ekuseni nibe nenala yesinkhwa. Nitawukwati-ke kutsi mine nginguSimakadze longuNkulunkulu wenu.’ ”

Eksodusi 16:8

Mosi wachubeka watsi: “Simakadze utanipha inyama kusihlwa, ekuseni aniphe sinkhwa lesenele, ngobe sewukuvile kukhonona kwenu. Tsine siyini nje? Phela anikhononi ngatsi, kodvwa nikhonona ngaSimakadze.”

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Eksodusi 24:16

Inkhatimulo yaSimakadze yahlala etikweNtsaba iSinayi, lifu layembesa kwaze kwaphela emalanga lasitfupha; kwatsi ngelilanga lesikhombisa Simakadze wamemeta Mosi asekhatsi efini.

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Levithikusi 9:6

Mosi wakhuluma kubo watsi: “Simakadze uniyale kutsi konkhe loku nikwente, khona kutawubonakala inkhatimulo yakhe kini.”

Numeri 14:10

Sonkhe sive savele satimisela kubagcoba ngematje. Kwase kubonakala inkhatimulo yaSimakadze ethendeni lekuhlangana; onkhe ema-Israyeli ayibona.

Numeri 14:27

“Kutawuze kube ngunini lesive lesikhohlakele singisola? Sengikuvile kusola kwalama-Israyeli lakhononako.

Numeri 16:11

Kuphambene naSimakadze kutsi wena nalabalandzeli bakho nihlangane ngekududana kanje. Ngubani yena lo-Aroni kutsi ningemelana naye nine?”

Numeri 16:42

Kwatsi lesicumbi sisahlanganele kumelana naMosi na-Aroni, satsi sijikela ngasethendeni lekuhlangana, masinyane sabona lifu lilisibekela kwase kubonakala inkhatimulo yaSimakadze.

Numeri 17:5

Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”

Johane 11:4

Jesu nakakuva loko, watsi: “Lokugula akusiko kwekufa, kepha kungenca yenkhatimulo yaNkulunkulu, kuze iNdvodzana yaNkulunkulu idvunyiswe ngako.”

Johane 11:40

Jesu watsi kuye: “Angikakutjeli yini kutsi nawukholwa utawubona inkhatimulo yaNkulunkulu?”