Eksodusi 16:35 - Siswati 1996 Bible

³⁵ Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Eksodusi 16:35 Referencias Cruzadas

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Numeri 32:13

Intfukutselo yaSimakadze yavutsela sive sema-Israyeli, wasenta sazulazula ehlane iminyaka lengema-40, saze safa saphela sonkhe leso situkulwane lesasente lokubi embikwaSimakadze.

Numeri 33:38

Ngekuyala kwaSimakadze Aroni, umphristi, wenyukela eNtsabeni iHori, lapho wafike wafela khona ngelilanga lekucala enyangeni yesihlanu ngemnyaka wema-40 ema-Israyeli aphuma eGibhithe.

Imisebenti yebaPhostoli 7:36

Wabahola wabakhipha bantfu eGibhithe, enta timangaliso netibonakaliso eGibhithe naseLwandle Lolubovu, elugwadvule nasehlane iminyaka lengema-40.

1 kubaseKorinthe 10:3

Bonkhe badla kudla kunye kwaMoya.

Dutheronomi 1:8

Libukeni-ke lonkhe lelo live lenginiphe lona. Ngenani kulo nilidle lelive Simakadze lafunga ngalo kutsi utalipha bokhokho benu bo-Abrahama, na-Isaka, naJakobe, kanye netitukulwane tabo letiyawuvela emvakwabo.’ ”

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

Dutheronomi 8:4

Timphahla tenu atizange tiguge, netinyawo tenu atizange tivuvuke kuleminyaka lengema-40.

Joshuwa 5:12

Ngalelo langa imana yancamuka kwehla, ema-Israyeli nase adle sivuno salelo live; akazange aphindze abe nemana. Kodvwa ngalowo mnyaka badla lekwakusivuno selive laseKhenani.