Eksodusi 16:3 - Siswati 1996 Bible

³ Sakhuluma kubo satsi: “Sifisa shangatsi ngabe Simakadze wamane wasibulalela khona le eGibhithe, ngobe phela lapho besitihlalela phansi ngasemabhodweni, bese sidla inyama nekudla ngekutsandza kwetfu. Kodvwa nisiletse lapha ehlane kutewusibulala ngendlala sonkhe lesive.”

Eksodusi 16:3 Referencias Cruzadas

2 Samuweli 18:33

Inkhosi yehlulwa buhlungu. Yasukuma yakhuphukela ekamelweni lelalingetulu kwelisango yayawukhala khona. Isakhuphuka, yayihambe ikhala itsi: “Awu, ndvodzana yami, Absalomu! Ndvodzana yami, ndvodzana yami, Absalomu! Kube kufane kwafa mine esikhundleni sakho! Awu, Absalomu, ndvodzana yami, ndvodzana yami!”

Jobe 3:1

Emvakwaloko Jobe wakhuluma acalekisa lilanga latalwa ngalo,

Jobe 3:10

ngobe abuzange buyivale iminyango yesisu samake lowangitala, kutewufihla inhlupheko emehlweni ami.

Jobe 3:20

“Kukhanya kunikelwani bantfu labaselusizini? Kona kuphila kunikelwani umuntfu lomphefumulo wakhe udzabukile?

Tihlabelelo 107:5

Balamba, boma, umphefumulo wabo waphela emandla kubo.

Tihlabelelo 78:19

Bakhuluma kabi ngaNkulunkulu batsi: “Nkulunkulu angasondla yini lapha ehlane?

Tihlabelelo 78:25

Bantfu badla sinkhwa setingilosi, wabanika kudla lokwenele.

Eksodusi 14:11

Atsi kuMosi: “Kungobe bekute yini emathuna lena eGibhithe lokutsi uze usikhiphe usiletse sitewufela lapha ehlane? Yini lena losentele yona? Usikhipheleni le eGibhithe?

Eksodusi 17:3

Kodvwa bantfu bomela emanti, bakhonona kuMosi batsi: “Yeyi wena! Wawusikhiphelani lena eGibhithe? Kantsi tsine nebantfwabetfu netifuyo tetfu wawusikhiphela kutsi utesibulala ngekoma la?”

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Eksodusi 5:21

Takhuluma kuboMosi na-Aroni tatsi: “Shangatsi Simakadze angakubona loko lesenikwentile, anijezise, ngobe senente liphunga letfu lenyanyeka kuFaro nakutiphatsimandla takhe. Senibahlomisile kuze kutsi basibulale kalula.”

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Jeremiya 42:14

nome nitsi: ‘Cha, sitawuhamba siyewuhlala eGibhithe, lapho singetiwuyibona khona imphi, nome sive kukhala kwempalampala, nome silambele sinkhwa,’

Jeremiya 44:17

Nakanjani sitawukwenta konkhe lesitsite sitakwenta: Sitawutfuncisela imphepho kuyo iNkhosikati yeLizulu, sitfululele iminikelo yesinatfo kuyo, njengobe tsine nabobabe, nemakhosi etfu, netiphatsimandla tetfu tatenta emadolobheni akaJuda nasetitaladini taseJerusalema. Ngaleso sikhatsi sasinekudla lokunyenti kakhulu, sime kahle, singahlushwa lutfo.

Sililo 4:9

Labo lababulawa ngenkemba bancono kunalabo labafa babulawa yindlala; badvutjutwe yindlala, baze baguga baphela ngenca yekweswela kudla emasimini.

Numeri 11:15

Nangabe utangiphatsa kanjena, ngiyacela kutsi usale sewungibulala khona manje nje, nangizuze umusa ebusweni bakho, khona ngingasayiwuphindze ngibone lusizi lwami.”

Numeri 11:20

kodvwa niyakuyidla inyanga yonkhe, ize iphume nangemakhala, inenyanyise, ngobe senimlahlile Simakadze losemkhatsini wenu, nakhala kuye natsi: “Empeleni saphumelani khona lena eGibhithe?” ’ ”

Numeri 14:2

Onkhe ema-Israyeli asola boMosi na-Aroni atsi kubo: “Kube samane safela eGibhithe nome ehlane.

Numeri 14:3

Simakadze usiletseleni kulelive kutsi sitewubulawa bese kutfunjwa bafati betfu nebantfwabetfu? Kungete kwaba ncono yini kutsi sincandzeke sibuyele eGibhithe?”

Numeri 16:13

Akukakwenelisi lokutsi wasikhipha eveni lelivundzile leligcwele lubisi neluju lwetinyosi, wasiletsela kutesibulala lapha ehlane? Nyalo ufuna kulibala kutibusa la etikwetfu?

Numeri 16:41

Kwatsi ngakusasa sive sonkhe sema-Israyeli sabasola boMosi na-Aroni sitsi: “Senibulele bantfu baSimakadze.”

Numeri 21:5

basola Nkulunkulu naMosi batsi: “Nasikhiphelani eGibhithe kuze sitewufela lapha ehlane? Kute kudla! Kute nemanti! Siyakwenyanya lokudla lokungenamsoco!”

Imisebenti yebaPhostoli 26:29

Pawula waphendvula watsi: “Nome sikhashana nome sikhatsi lesidze, ngithandaza kuNkulunkulu kutsi kungabi nguwe wedvwa kodvwa bonkhe labangivako lamuhla nabo babe nguloku lengingiko, ngaphandle kwaletinketane.”

1 kubaseKorinthe 4:8

Senenele! Seninjingile! Senitente emakhosi ngaphandle kwetfu! Maye, ngifisa shangatsi ngabe ningemakhosi sibili, sitewuhlephunelana nani lokubusa!

2 kubaseKorinthe 11:1

Ngicela senimane ningibeketelele ngalobulinyana lengitabukhuluma. Vele, ngiyati seningibeketelele!

Dutheronomi 28:67

“Ekuseni niyawufisa kungatsi ngabe kusebusuku, ebusuku nifise kungatsi ngabe ngusekuseni, ngenca yeluvalo loluyawube lusetinhlitiyweni tenu nangenca yaloko leniyawube nikubona ngemehlo enu.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

Joshuwa 7:7

Joshuwa watsi: “Awu! Somandla Simakadze, lesive useweteleni umfula iJordane kutsi utekusinikela etandleni tema-Amori kutsi atekusibhubhisa? Maye, kube simane seneliswa kuhlala ngale ngesheya kweJordane!