Eksodusi 16:23 - Siswati 1996 Bible

²³ wase ukhuluma kubo utsi: “Simakadze uyale watsi: ‘Kusasa lilanga lekuphumula, liSabatha lelingcwele kuSimakadze. Yosani loko lenifuna kukosa, nipheke loko lenifuna kukupheka. Lokusele nikushiyele likusasa.’ ”

Eksodusi 16:23 Referencias Cruzadas

Nehemiya 9:13

“Wehlela eNtsabeni iSinayi; wakhuluma kubo usezulwini. Wabanika timfundziso nemitsetfo lelungile nalefanele, kanye netimiso nemiyalo lemihle.

Nehemiya 9:14

Wabatisa liSabatha lakho lelingcwele, wabanika imiyalo, netimiso kanye nemitsetfo ngenceku yakho Mosi.

Eksodusi 16:19

Mosi wakhuluma kubo watsi: “Akubete loshiyela likusasa lokudla.”

Eksodusi 23:12

“Uyawusebenta emalanga lasitfupha, kodvwa ngelilanga lesikhombisa ungasebenti, kuze kutsi tifuyo takho, netigcili letitalelwe kakho, kanye nebetive labasebenta kakho batewuphumula.

Eksodusi 31:15

Niyawusebenta emalanga lasitfupha, kodvwa lilanga lesikhombisa liSabatha lekuphumula, lingcwele kuSimakadze; wonkhe umuntfu losebentako ngalo kufanele abulawe.

Jeremiya 17:22

Ningayetfwali imitfwalo niphume nayo etindlini tenu, nome-ke nente leminye nje imisebenti ngeliSabatha, kodvwa gcinani lilanga leliSabatha libe ngcwele, njengaloku ngayala boyihlomkhulu.

Levithikusi 23:3

Ninemalanga lasitfupha leningasebenta ngawo nente umsebenti wenu, kodvwa lilanga lesikhombisa liSabatha lekuphumula, lilanga lekukhonta. Akukafaneli nente nome ngumuphi umsebenti lapho nihlala khona. Lelo liSabatha laSimakadze.

Numeri 11:7

Imana yayifanana nenhlanyelo lencane lemhlophe, kufanane nemanafu.

Numeri 11:8

Bantfu babehamba bayewubutsa, bese bayakusila esigayweni setandla nome etjeni lekusila. Babekupheka ngelibhodo nome bente ngako emacebelengwane. Kwakunambitseka njengekudla lokuphekwe ngemafutsa emncumo.

Lukha 23:56

Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.

Dutheronomi 5:12

“ ‘Gcina liSabatha ngekulenta libe ngcwele, njengobe Simakadze akuyala.

Sembulo 1:10

Ngelilanga leNkhosi ngangikuMoya, ngase ngiva emvakwami livi lelikhulu, shangatsi lelicilongo,