Eksodusi 16:15 - Siswati 1996 Bible

¹⁵ Atsi ema-Israyeli kube akubone loko, akhuluma abutana odvwana atsi: “Yini lena?” ngobe abengati kutsi kuyini. Mosi wabaphendvula, watsi: “Sinkhwa lenisiphiwe nguSimakadze kutsi nisidle.

Eksodusi 16:15 Referencias Cruzadas

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Nehemiya 9:20

Wabanika Moya wakho lolungile kutsi abafundzise. Awuzange uyigodle imana yakho emilonyeni yabo, wabanatsisa emanti, nase bomile.

Tihlabelelo 105:40

Bacela, wabapha tigwaca, wabesutsisa ngesinkhwa lesivela ezulwini.

Tihlabelelo 78:24

wanisa imana kutsi bantfu badle, wabapha emabele asezulwini.

Eksodusi 16:31

Ema-Israyeli lokudla akwetsa libito atsi “yimana.” Kwakufanana nenhlanyelo lencane lemhlophe, kunambitseka njengemicatsane leyentiwe ngeluju.

Eksodusi 16:33

Mosi wakhuluma ku-Aroni watsi: “Tsatsa lijeke, ufake emalitha langaba mabili emana, uyibeke embikwaSimakadze, kuze ilondvolotelwe titukulwane tetfu.”

Eksodusi 16:4

Simakadze wakhuluma kuMosi, watsi: “Lalela la! Ngitanehlisela imvula yesinkhwa lesivela ezulwini. Onkhe emalanga ekuseni bantfu kufanele baphume bayewutibutsela kudla lokwanele lilanga lonkhe. Ngalendlela-ke ngitawube ngiyabavivinya kutsi batawuyilandzela yini imiyalo yami nome cha.

Taga 9:5

wotani nitewudla kudla kwami, ninatse neliwayini lengilihlanganisile.

Numeri 21:5

basola Nkulunkulu naMosi batsi: “Nasikhiphelani eGibhithe kuze sitewufela lapha ehlane? Kute kudla! Kute nemanti! Siyakwenyanya lokudla lokungenamsoco!”

Lukha 12:30

Ngobe tonkhe tive temhlaba tifuna letintfo; neYihlo uyati kutsi niyatidzinga letintfo.

Johane 6:49

Bokhokho benu badla imana ehlane, kodvwa bafa.

Johane 6:58

Lesi-ke sinkhwa lesehla ezulwini, asifanani nesinkhwa lesadliwa bokhokho benu, babuye bafa. Lodla lesinkhwa uyawuphila kuze kube phakadze.”

1 kubaseKorinthe 10:3

Bonkhe badla kudla kunye kwaMoya.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

KumaHebheru 9:4

Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.

Joshuwa 5:12

Ngalelo langa imana yancamuka kwehla, ema-Israyeli nase adle sivuno salelo live; akazange aphindze abe nemana. Kodvwa ngalowo mnyaka badla lekwakusivuno selive laseKhenani.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”