Eksodusi 15:7 - Siswati 1996 Bible

⁷ Ngekuphakama kwemandla akho ubacitsile labemelene nawe, intfukutselo yakho levutsako uyitfululele kubo, yabalumeka njengetibi.

Eksodusi 15:7 Referencias Cruzadas

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 148:13

Bonkhe abadvumise libito laSimakadze, ngobe lakhe kuphela libito leliphakeme; inkhatimulo yakhe ingetulu kwemhlaba nelizulu.

Tihlabelelo 59:13

Bacedze ngekutfukutsela kwakho, ubanyamalalise baphele batsi nya, kuze bantfu bati kutsi: Nkulunkulu ubusa kaJakobe nasemikhawulweni yemhlaba. Cabanga.

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Tihlabelelo 83:13

Awu, Nkulunkulu wami! Bente babe njengesiwunguwungwana, nanjengemakhoba wona apheshulwa ngumoya.

Eksodusi 14:27

Ngako Mosi welula sandla sakhe wasengamisa etikwelwandle, emanti abuyela endzaweni yawo nakudzabuka kusa; emaGibhithe atsi ayabaleka emanti awakhukhula. Simakadze wawatsintsitsela ekujuleni kwelwandle onkhe emaGibhithe.

Eksodusi 5:12

Ngako-ke ema-Israyeli asakateka nalo lonkhe live laseGibhithe afunana netjani.

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

Isaya 37:17

Vula indlebe yakho! Awu, Simakadze, vani; uvule emehlo akho, Simakadze, ubone; lalela onkhe emavi latfunyelwe nguSenaheribi ekwetfuka wena, Nkulunkulu lophilako.

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Isaya 37:29

Njengobe uyangibhodlela, nanjengobe kungicoloshela kwakho sekufikile etindlebeni tami, ngitawufaka umkhala wami ekhaleni lakho, nelitomu lami emlonyeni wakho. Ngiyawukuncandzekisa ngaleyo ndlela lote ngayo.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 37:38

Kwatsi ngalelinye lilanga aselibele kukhonta ethempelini lankulunkulu wakhe Nisroki, kwesuka emadvodzana akhe, bo-Adrameleki naShareseri, bamjuba ngenkemba, besuka lapho babalekela eveni lase-Ararathi. Esahadoni, umsa wakhe, waba yinkhosi yase-Asiriya esikhundleni sakhe.

Isaya 47:14

Empeleni banjengemabibi etinhlanga layakusha onkhe ngemlilo, bangeke batisindzise kwabona kulamandla elilangabi. Lapha kute emalahle ekufutfumeta umuntfu, kute nemlilo longawotsa.

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Mikha 4:11

Tive letinyenti setibutsanele kuhlasela nine. Titsi: “IJerusalema imelwe kutsi ibhujiswe. Sitawubona tibondza taseSiyoni setibhidlitiwe!”

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Zakhariya 2:8

Ngobe naku lokushiwo nguSimakadze longuSomandla, longitfumile wangipha emandla kutsi ngimelane netive letiniphangile, ngobe umuntfu lotsintsa nine utsintsa inhlavu yeliso laSimakadze.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 3:12

Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”

Imisebenti yebaPhostoli 9:4

Washayeka phansi, weva livi litsi kuye: “Sawula! Ye Sawula! Ungihluphelani?”

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.

Dutheronomi 4:24

Ngobe Simakadze Nkulunkulu wenu ungumlilo locotfulako, unguNkulunkulu lonesikhwele.

KumaHebheru 12:29

ngobe loNkulunkulu wetfu ungumlilo locotfulako.