Eksodusi 15:26 - Siswati 1996 Bible

²⁶ Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Eksodusi 15:26 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 11:38

Nawenta konkhe lengikuyale ngako, uhambe ngetindlela tami, wente lokuhle emehlweni ami ngekugcina timiso tami nemiyalo yami, njengaDavide, inceku yami, ngitawuba nawe. Ngiyawukwakhela luhlanga lwebukhosi loluyakuma njengalolwa lwaDavide, ngikunike sive sema-Israyeli.

2 Emakhosi 2:21

Wahamba waya kulomtfombo, wafike wafaka loluswayi ekhatsi, watsi: “Naku-ke lokukhulunywa nguSimakadze, utsi: ‘Lamanti sengiwaphilisile. Angeke aphindze futsi ente kufa nome ente lelive liphuphe.’ ”

2 Emakhosi 20:5

“Ncandzeka uyewutjela Hezekiya, umholi wesive sami, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho; ngitakuphilisa. Ngelilanga lesitsatfu kusukela lamuhla utawukhuphukela ethempelini laSimakadze.

2 Emakhosi 22:2

Josaya wenta lokuhle emehlweni aSimakadze, wahamba ngato tonkhe tindlela teyise Davide, akazange aphambukele ngesekudla nome ngesancele.

Jobe 5:18

Ngobe yena nome angamilisa tilondza, uphindze atipholise, uyalimata aphindze aphilise ngetandla takhe.

Tihlabelelo 103:3

Ungitsetselela lonkhe licala letono tami angelaphe tonkhe tifo tami.

Tihlabelelo 147:3

Labanetinhlitiyo letephukile uyabaphilisa, abophe emanceba abo.

Tihlabelelo 81:9

Ningamkhonti lomunye nkulunkulu, ningakhuleki kubonkulunkulu betive.

Eksodusi 12:29

Ekhatsi nebusuku Simakadze wabulala onkhe ematubulo eveni laseGibhithe: kusukela esigodlweni etubulweni laFaro lelaliyindlalifa yakhe, kuye etubulweni lesiboshwa lesisejele, nasematubulweni etifuyo.

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Eksodusi 19:6

Niyawuba ngumbuso webaphristi, nibe sive lesingcwele.’ Ngulawo-ke emavi lotawufike uwakhulume esiveni saka-Israyeli.”

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 23:25

Nanikhonta mine Simakadze longuNkulunkulu wenu, ngitawunibusisa ngekudla nangemanti, ngikususe konkhe kugula kwenu.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Isaya 57:18

Sengitibonile tindlela takhe, kodvwa ngitamphilisa, ngimhole, ngibuyisele indvudvuto kuye,

Jeremiya 11:7

Kusukela ngesikhatsi lengakhipha ngaso bokhokho benu eGibhithe kuze kube ngulamuhla, ngangibayala njalo nje, ngitsi: Ngilaleleni.

Jeremiya 17:24

“ ‘Simakadze utsi: Kodvwa nanicaphela ningilalele ningete nangenisa imitfwalo emasangweni alelidolobha nakuliSabatha, kodvwa nigcine liSabatha lingcwele, ngekungenti namunye umsebenti ngalelo langa,

Jeremiya 30:17

Kodvwa wena ngiyawukubuyisela emphilweni, ngiphilise emanceba akho, nome ubitwa ngekutsi ungulolahliwe, iSiyoni lenganakwa ngumuntfu,’ kusho Simakadze.

Jeremiya 33:6

“ ‘Noko, lelidolobha ngiyawuliletsela kuphila nekuphiliswa. Labantfu bami ngiyawubaphilisa, ngibente bativele banekuthula nekuphepha lokuphuphumako.

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Jeremiya 8:22

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

Hezekeli 18:5

“Ase sitsi kunemuntfu lolungile lowenta lokucotfo nalokulungile:

Hoseya 11:3

Ngimi lowacatfulisa Efrayimu, ngamtsatsa ngambamba ngemikhono; kodvwa akazange akunake kutsi ngimi lowamphilisa.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Levithikusi 26:13

Mine nginguSimakadze, Nkulunkulu wenu, lowanikhipha eGibhithe, kuze ningabe nisaba tigcili temaGibhithe. Ngephula tikeyi telijoko lenu, nganenta nahambela etulu nikhululekile.’ ”

Levithikusi 26:3

“ ‘Nanihamba ngetimiso tami nilalele, nemiyalo yami niyente,

Numeri 12:13

Mosi wakhala kuSimakadze atsi: “Mphilise Nkulunkulu, ngiyakuncenga.”

Dutheronomi 12:25

Aniyikuyidla, khona kuyawunihambela kahle nine kanye nebantfwabenu emvakwenu, ngobe niyakube nenta lokuhle emehlweni aSimakadze.

Dutheronomi 12:28

Caphelani kutsi niyilalele yonkhe lemiyalo lengininika yona, kuze kutenihambela kahle ngaso sonkhe sikhatsi, nine nebantfwabenu emvakwenu, ngobe nitawube nenta lokuhle nalokwemukelekile emehlweni aSimakadze Nkulunkulu wenu.”

Dutheronomi 13:18

ngobe phela nimlalele Simakadze Nkulunkulu wenu, nagcina yonkhe imiyalo yakhe lengininika yona lamuhla, nenta lokulungile embikwakhe.”

Dutheronomi 28:27

Simakadze uyakunishaya ngematfumba aseGibhithe, nangetimila, nangetilondza letincincako, nangelukhwekhwe lolulumako leningasoze nelapheke kuto.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

Dutheronomi 28:60

“Uyakwehlisela kini tonkhe tifo taseGibhithe lenanitesaba kakhulu, tiyawunamatsela kini tingesuki.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Dutheronomi 7:15

Simakadze utanigcina aniphephise kuto tonkhe tifo. Angeke anijezise ngetifo letesabekako lenatibona eGibhithe, kodvwa uyakubajezisa ngato labo labanitondzako.