Eksodusi 15:25 - Siswati 1996 Bible

²⁵ Mosi wakhala kuSimakadze; Simakadze wamkhombisa sigojwana. Mosi wasitsatsa wasijika ekhatsi kulamanti; emanti ajika aba mnandzi. Basekuleyo ndzawo Simakadze wabanika umtsetfo nemsimeto wabo; wabavivinya khona lapho futsi.

Eksodusi 15:25 Referencias Cruzadas

2 Emakhosi 2:21

Wahamba waya kulomtfombo, wafike wafaka loluswayi ekhatsi, watsi: “Naku-ke lokukhulunywa nguSimakadze, utsi: ‘Lamanti sengiwaphilisile. Angeke aphindze futsi ente kufa nome ente lelive liphuphe.’ ”

2 Emakhosi 4:41

Elisha watsi: “Letsani fulaha.” Wase umfaka ekhatsi ebhodweni, watsi: “Phakelani labantfu badle.” Kwabate lokwaba yingoti ebhodweni.

2 Emakhosi 6:6

Elisha wabuta watsi: “Liwelephi?” Watsi kube amkhombise lapho liwele khona, Elisha wagawula lutsi walujika lapho beliwele khona, lizembe lakhuphuka, lantanta.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 66:10

Wena Nkulunkulu, usivivinyile, usihlambulule ngekusicenga njengekucengwa kwesiliva emlilweni.

Tihlabelelo 81:7

Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.

Eksodusi 14:10

Ema-Israyeli atsi ayabuka abona Faro etile nemphi yakhe asondzela, ase efikelwa kwesaba lokukhulu. Atikhalela kuSimakadze.

Eksodusi 16:4

Simakadze wakhuluma kuMosi, watsi: “Lalela la! Ngitanehlisela imvula yesinkhwa lesivela ezulwini. Onkhe emalanga ekuseni bantfu kufanele baphume bayewutibutsela kudla lokwanele lilanga lonkhe. Ngalendlela-ke ngitawube ngiyabavivinya kutsi batawuyilandzela yini imiyalo yami nome cha.

Eksodusi 17:4

Ngako-ke Mosi wakhala kuSimakadze watsi: “Ngitabatsini nje labantfu? Sebasezingeni lekutsi bangangigcoba ngematje nome ngangunini.”

Eksodusi 20:20

Mosi wakhuluma kubantfu watsi: “Ningesabi; Nkulunkulu utele kutewunivivinya, khona nitewuhlala nimesaba, kuze ningoni.”

Taga 17:3

Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Hezekeli 47:7

Ngatsi nangifika lapho, ngabona lihlatsi ngala nangale kwemfula.

Hezekeli 47:8

Yatsi kimi: “Lamanti lawa ageletela ngaseveni langasemphumalanga, ehle aze ayewufika eSigodzini saseJordane i-Arabha, lapho afike angene khona elwandle, emanti-ke lapho afike abe mnandzi.

1 kubaseKorinthe 1:18

Livi lesiphambano libulima kulababhubhako, kodvwa kitsi tsine lesisindziswako lingemandla aNkulunkulu.

Dutheronomi 13:3

ningacali niwalalele emavi alowo mphrofethi nome lowo mphuphi wemaphupho. Simakadze Nkulunkulu wenu uyanivivinya kutsi atfole kahle kutsi niyamtsandza yini Simakadze Nkulunkulu wenu ngayo yonkhe inhlitiyo yenu nangawo wonkhe umphefumulo wenu.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

Tikhulu 2:22

Sengiyawusebentisa tona nangivivinya sive sema-Israyeli, kuze ngibone kahle kutsi siyakuyigcina yini indlela yaSimakadze, sihambe ngayo, njengobe kwakwenta bokhokho baso.”

Tikhulu 3:1

Leti-ke tive letashiywa nguSimakadze, kuze avivinye ngato ema-Israyeli labengazange atibone timphi taseKhenani.

Tikhulu 3:4

Tatishiyelwe kutsi tivivinye ema-Israyeli, kuze kubonakale kutsi atawuyilalela yini imiyalo yaSimakadze labeyinike bokhokho bawo ngaMosi.