Eksodusi 15:22 - Siswati 1996 Bible

²² Kusuka lapho eLwandle Lolubovu, Mosi wahola ema-Israyeli balibangisa ehlane laseShuri. Kwaphela emalanga lamatsatfu basehlane bangawatfoli emanti.

Eksodusi 15:22 Referencias Cruzadas

Genesisi 16:7

Ingilosi yaSimakadze yakhandza Hagari ngasesicojeni semanti, ehlane, endleleni leya eShuri,

Genesisi 20:1

Abrahama wesuka kulelo live waya eveni laseNegevu, eningizimu naseKhenani. Wafike wahlala emkhatsini weKhadeshi neShuri; wahlalahlala eGerari.

Genesisi 25:18

Titukulwane ta-Ishmayeli takha kusukela eHavila kuya eShuri, lemalunga naseGibhithe, kuya ngase-Asiriya. Takha, tatsi cekelele takhweshelana netihlobo tato; tatihlaselana naletihlobo tato.

Tihlabelelo 136:16

Nguye lowahola sive sakhe ehlane, ngobe umusa wakhe ume kuze kube phakadze.

Tihlabelelo 77:20

Sive sakho wasihola njengetimvu, ngesandla saboMosi na-Aroni.

Tihlabelelo 78:52

Kepha wakhipha sive sakhe njengetimvu, wasihola ehlane njengemhlambi wakhe.

Tihlabelelo 78:53

Wabahola baphepha bangesabi lutfo, kepha lwandle lwatimbonya titsa tabo.

Eksodusi 17:1

Sonkhe sive sema-Israyeli satfutsa ehlane laseSini sachubachubeka, kwaya ngekuyalwa kwaso nguSimakadze. Semisa eRefidimu, kodvwa kwakute emanti ekunatsa.

Eksodusi 3:18

“Bantfu bami batakulalela loko lokushoko. Wena-ke nebaholi bema-Israyeli nitawube seniya kuFaro, inkhosi yaseGibhithe, nifike nitsi: ‘Simakadze, Nkulunkulu wemaHebheru uhlangene natsi. Sicela kutsi usikhulule sitsatse luhambo lwemalanga lamatsatfu siye ehlane, kuze siyekwenta umhlatjelo kuSimakadze longuNkulunkulu wetfu.’

Numeri 33:8

Esuka ePhi Hahirothi, adzabula lwandle ekhatsi ewelela ehlane, atsi kube ahambe emalanga lamatsatfu eHlane lase-Ethamu, emisa eMara.

1 Samuweli 15:7

Sawula wahlasela ema-Amaleki, wawehlula, kusukela eHavila kuye eShuri, lengasemphumalanga neGibhithe.

1 Samuweli 27:8

Davide nemadvodza akakhe benyuka bayawuhlasela emaGeshuri, nemaGizi kanye nema-Amaleki. Kusukela etikhatsini takadzeni letive tatihlala kulelo live, kuze kuyekufika eShuri naseGibhithe.