Eksodusi 15:21 - Siswati 1996 Bible

²¹ Miriyamu wabahlabelela watsi: “Hlabelani kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.”

Eksodusi 15:21 Referencias Cruzadas

2 Samuweli 1:20

“Loku akusiwumenyetelwa eGathi, kungakhulunywa nasetitaladini tase-Ashkeloni, funa emadvodzakati emaFilisti ajabule, funa emadvodzakati alabangakasoki atfokote.

2 Samuweli 6:14

Davide abembetse sidziya sebaphristi lesasentiwe ngelineni, wagidza embikwaSimakadze ngawo onkhe emandla akhe ajabulile,

2 Tikhronike 5:13

Labashayi bemacilongo nalabahlabeli bahlangana bahlabela kanyekanye, kwaze kwaba shangatsi liphimbo linye, banika Simakadze ludvumo netibongo. Baphakamisa emaphimbo abo babonga Simakadze bashaya emacilongo, nemasimbali naletinye nje tingubhu, bahlabela batsi: “Dvumisani Simakadze, ngobe ulungile, nelutsandvo lwakhe lume kuze kube phakadze.” Lithempeli laSimakadze lase ligcwaliswa lifu,

Tihlabelelo 76:6

Ngesikhahlo sakho, Nkulunkulu waJakobe, bagibeli nemahhashi behlelwe butfongo.

Eksodusi 15:1

Mosi nema-Israyeli bahlabela kuSimakadze nansi ingoma, batsi: “Ngiyawuhlabela kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.

Eksodusi 15:4

Tincola temphi taFaro nemabutfo akhe ukujikijele ekhatsi elwandle, tiphatsimandla takhe letikhetsiwe utiphonse eLwandle Lolubovu.

Sembulo 14:3

Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.

Tikhulu 5:3

“Lalelani lapha, nine makhosi! Lalelani nani babusi. Ngiyakuhlabela kuSimakadze. Ngiyakuhlabela ngidvumise Simakadze, Nkulunkulu wema-Israyeli.

1 Samuweli 18:6

Kwatsi ngesikhatsi emabutfo abuya ekhaya emvakwekube Davide asabulele lomFilisti, labasikati baphuma kuwo onkhe emadolobha aka-Israyeli batewuhlangabeta inkhosi Sawula, babehlabela balilitela ngetingoma tenjabulo, nangabomakhoyane, nangemahabhu lanetintsambo letintsatfu kanye nangemintjingozi.

1 Samuweli 18:7

Ngesikhatsi bahlabela babegiya, batsi: “Sawula ubulele tinkhulungwane takhe, kodvwa Davide ubulele emashumi etinkhulungwane takhe.”