Eksodusi 15:2 - Siswati 1996 Bible

² Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Eksodusi 15:2 Referencias Cruzadas

Genesisi 17:7

“Ngiyawumisa sivumelwane sami nawe nentalo yakho, emvakwakho, etitukulwaneni ngetitukulwane, kube sivumelwane saphakadze. Ngiyawuba nguNkulunkulu wakho naNkulunkulu wetitukulwane takho emvakwakho.

Genesisi 49:18

“Simakadze, ngilindzele insindziso yakho.

2 Samuweli 22:3

Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca. Usiphephelo sami neMsindzisi wami. Etigebengwini, wena uyangisindzisa.

2 Samuweli 22:47

“Simakadze uyaphila! Alidvunyiswe lidvwala lami! Akaphakanyiswe Nkulunkulu, Lidvwala lami, neMsindzisi wami!

2 Samuweli 22:51

Nguwe, Nkhosi, umenti wankhulu, inkhosi yakho uyiphe kuncoba timphi ngetimphi, wentele logcotjiwe wakho umusa wakho longapheli, yebo, Davide netitukulwane takhe phakadze naphakadze.”

2 Samuweli 7:24

Umise sive sakho, ema-Israyeli, sibe sive lesingusona sisakho phakadze naphakadze, wena-ke Simakadze, sewaba nguNkulunkulu waso.

2 Samuweli 7:5

“Hamba utjele inceku yami Davide, utsi: ‘Naku lokushiwo nguSimakadze, utsi: Nguwe yini lofanele kungakhela indlu yekuhlala?

1 Emakhosi 8:13

ngempela sengikwakhele lithempeli lelihle kakhulu, indzawo yakho lapho kutabohlala wena khona phakadze naphakadze.”

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

1 Tikhronike 16:14

“Yena Simakadze unguNkulunkulu wetfu, tehlulelo takhe tisemhlabeni wonkhe.

Tihlabelelo 109:1

Awu, Nkulunkulu lengimdvumisako, ungathuli ungibukelele.

Tihlabelelo 118:14

Simakadze ungemandla ami nengoma yami, sewuyinsindziso yami.

Tihlabelelo 118:21

Ngiyawukubonga ngobe ungiphendvulile, waba yinsindziso yami.

Tihlabelelo 118:28

Wena unguNkulunkulu wami, ngiyakubonga; wena unguNkulunkulu wami, ngiyakudvumisa.

Tihlabelelo 132:5

ngingakamtfoleli Simakadze indzawo, ngakhe likhaya laSomandla waJakobe.”

Tihlabelelo 140:7

Awu, Simakadze, Nkulunkulu wami, Msindzisi wami lonemandla, wena uvikela inhloko yami ngesikhatsi semphi.

Tihlabelelo 145:1

Ngiyawuphakamisa wena, Nkulunkulu wami neNkhosi yami, ngituse libito lakho phakadze naphakadze.

Tihlabelelo 18:46

Simakadze uyaphila! Alidvunyiswe lidvwala lami! Akaphakanyiswe Nkulunkulu loyinsindziso yami!

Tihlabelelo 22:10

Ngetfulwa kuwe kwasekutalweni kwami, waba nguNkulunkulu wami kusukela esiswini samake.

Tihlabelelo 22:3

Wena ungcwele, indvumiso yema-Israyeli sihlalo sakho sebukhosi.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 28:8

Simakadze ungemandla ebantfu bakhe, usiphephelo sekusindzisa logcotjiwe wakhe.

Tihlabelelo 30:1

Ngiyawukudvumisa, Simakadze, ngobe ungenyule ebunzimeni, wala kutsi titsa tami titijabulise ngami.

Tihlabelelo 34:3

Dvumisani Simakadze kanye nami, siphakamise libito lakhe kanyekanye.

Tihlabelelo 48:14

kutsi loNkulunkulu unguNkulunkulu wetfu phakadze naphakadze; uyawusihola ngisho nasekufeni.

Tihlabelelo 59:17

Yebo, Mandla ami, ngiyawuhlabela ngikudvumise, ngobe wena, Nkulunkulu, uyinqaba yami. Nguwe, Nkulunkulu, longiphatsa ngemusa.

Tihlabelelo 68:20

Nkulunkulu, longuNkulunkulu wetfu, unguNkulunkulu wensindziso, emandla ekubalekela kufa ngewaSimakadze iNkhosi.

Tihlabelelo 99:5

Phakamisani Simakadze, Nkulunkulu wetfu, nikhuleke kuso senabelo setinyawo takhe, yena ungcwele.

Tihlabelelo 99:9

Phakamisani Simakadze, Nkulunkulu wetfu, mkhotsameni nimkhonte kulentsaba yakhe lengcwele. Simakadze, Nkulunkulu wetfu, ungcwele!

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Eksodusi 4:22

Ubokhuluma kuFaro utsi: ‘Simakadze utsi: Israyeli litubulo lami.

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 25:1

Awu, Simakadze, wena unguNkulunkulu wami, ngiyakukuphakamisa, ngilidvumise Libito lakho, ngobe ngekwetsembeka kwakho lokuphelele wente tintfo letimangalisako, tintfo letahlelwa endvulo.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 3:23

Impela, kukhonta kwetfu tithico, yebo, kuyaluka emagcumeni nasetintsabeni kutiyenga nje. Impela insindziso yaka-Israyeli ikuSimakadze Nkulunkulu wetfu.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Jeremiya 32:38

Bayawuba bantfu bami, mine ngibe nguNkulunkulu wabo.

Habakhuki 3:13

Waphumela kutawukhulula bantfu bakho, nekutawusindzisa logcotjiwe wakho. Wambhubhisa umholi waseveni lalababi, wabahlubula kusukela etinweleni tenhloko kuye etintwaneni tetinyawo. Cabanga.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Lukha 1:77

nekutjela bantfu bayo kutsi bayawusindziswa ngekutsetselelwa kwetono tabo,

Lukha 2:30

ngobe emehlo ami asayibonile insindziso yakho

Johane 4:22

Nine maSamariya nikhonta leningakwati, tsine maJuda sikhonta lesikwatiko, ngobe insindziso ivela kumaJuda.

Johane 5:23

kuze bonkhe bahloniphe iNdvodzana njengobe bahlonipha uYise. Lowo longayihloniphi iNdvodzana, akahloniphi neYise loyitfumile.

Imisebenti yebaPhostoli 4:12

“Kute kusindziswa ngalomunye; ngobe kute lelinye libito ngaphansi kwelizulu lelinikwe nguNkulunkulu kubantfu, lesingasindziswa ngalo.”

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

Kubase-Efesu 2:22

Nani futsi nakhiwa kulo, kuze nibe yindlu yekuhlala Nkulunkulu ngaMoya.

Dutheronomi 10:21

LoNkulunkulu nguye loludvumo lwenu, nguye lowanentela leto tintfo letinkhulu netimangaliso letesabekako, lenatibonela nine ngewenu emehlo.

KubaseFiliphi 2:11

netilimi tonkhe tivume kutsi Jesu Khristu uyiNkhosi, kube ludvumo kuNkulunkulu longuYise.

KubaseFiliphi 4:13

Nginemandla ekwenta konkhe ngaye Khristu longicinisako.

KubaseKholose 2:9

Emtimbeni waKhristu kuhlala kuphelela konkhe kwebuNkulunkulu.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;

Tikhulu 5:21

Umfudlana iKhishoni wabakhukhula, umfudlana lomdzala, umfudlana iKhishoni. Mphefumulo wami, chubeka, unyatsele ngemandla!