Eksodusi 14:31 - Siswati 1996 Bible

³¹ Atsi ema-Israyeli nabona emandla lamakhulu Simakadze labewakhombise ngekubhubhisa emaGibhithe, acalela phansi kwesaba Simakadze nekubeka litsemba lawo kuye nakuMosi, inceku yakhe.

Eksodusi 14:31 Referencias Cruzadas

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Nehemiya 9:9

“Wakubona kuhlupheka kwabokhokho betfu eGibhithe; wakuva kukhala kwabo eLwandle Lolubovu.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Lukha 8:13

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

Johane 11:45

EmaJuda lamanyenti labevakashele Mariya ambona Jesu nakwenta loko, ase ayakholwa kuye.

Johane 2:11

Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.

Imisebenti yebaPhostoli 8:13

NaSimoni matfupha wakholwa; emvakwekubhajatiswa kwakhe wahlala njalo asedvute kwaFiliphu, wamangala nakabona letimanga letinkhulu kanye netibonakaliso labetenta.

KumaHebheru 3:5

Mosi kambe abetsembekile kuko konkhe endlini yaNkulunkulu njengenceku, kuze kube bufakazi baleto tintfo lebekutawukhulunywa ngato kamuva.

Joshuwa 24:7

Kodvwa bakhala kuSimakadze, bacela lusito, wabe sewufaka bumnyama emkhatsini wenu nemaGibhithe. Wayekelela lwandle etikwawo, lwase luyabasibekela. Nani natibonela ngemehlo loko lengakwenta kumaGibhithe. “ ‘Nahlala ehlane sikhatsi lesidze.

Joshuwa 4:14

Ngalelo langa Simakadze waphakamisa Joshuwa embikwaso sonkhe sive sema-Israyeli, sive samhlonipha Joshuwa imphilo yakhe yonkhe, njengobe sasimhlonipha naMosi.

Joshuwa 4:24

Wakwenta loko kuze tonkhe tive temhlaba tati kutsi sandla saSimakadze sinemandla, nekutsi nani nihlale nimesaba Simakadze Nkulunkulu wenu phakadze naphakadze.”

1 Samuweli 12:16

“Manje-ke manini nithulise, nibuke loku lokukhulu lokutakwentiwa nguSimakadze lapha embikwemehlo enu!

1 Samuweli 12:18

Samuweli wabita Simakadze ngalona lelo langa; Simakadze watfumela kudvuma nemvula. Sonkhe sive sema simangele ngaSimakadze nangaSamuweli.