Eksodusi 14:28 - Siswati 1996 Bible

²⁸ Emanti abuya ambonya tincola temphi, nebagibeli bemahhashi, nawo onkhe emabutfo aFaro labecosha ema-Israyeli. Kute nome munye lowasindza.

Eksodusi 14:28 Referencias Cruzadas

Genesisi 50:9

Wenyuka ngetincola kanye nebagibeli bemahhashi; kwaba sicumbi lesikhulu.

Genesisi 7:18

Emanti akhula andza kakhulu emhlabeni, nemkhumbi wantanta etikwemanti.

2 Tikhronike 20:24

Emadvodza akaJuda atsi kube efike endzaweni leyayengamele lelihlane, nabuka lamabutfo labeyimphi lenkhulu, akhangwa tidvumbu tilucaca phansi; kute namunye labephunyulile.

Nehemiya 9:11

Wehlukanisa lwandle embikwabo, kuze kutsi bewele emhlabatsini lowomile, kodvwa labo bebabacosha ngemuva wabajikijela ekujuleni kwelwandle njengelitje naligcumkiselwa emantini lanemandla.

Tihlabelelo 106:22

lekwakuyimisebenti lemangalisako eveni lakaHhamu, netintfo letesabekako ngaseLwandle Lolubovu.

Tihlabelelo 136:15

Wacitsa Faro nemphi yakhe ngalo, ngobe umusa wakhe ume kuze kube phakadze.

Tihlabelelo 78:53

Wabahola baphepha bangesabi lutfo, kepha lwandle lwatimbonya titsa tabo.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Eksodusi 15:10

Kodvwa wena, Simakadze, uphefumule kwaba kanye, lwandle lwabamita, bacwila sincane selitje naligcumukela emantini lanemandla.

Eksodusi 15:19

Emahhashi aFaro, netincola takhe temphi kanye nebagibeli bakhe bemahhashi batseleka ekhatsi elwandle, Simakadze wase uyawayekela emanti, abuyela etikwabo abasibekela; kodvwa ema-Israyeli ewela lwandle, ahamba emhlabatsini lowomile.

Habakhuki 3:13

Waphumela kutawukhulula bantfu bakho, nekutawusindzisa logcotjiwe wakho. Wambhubhisa umholi waseveni lalababi, wabahlubula kusukela etinweleni tenhloko kuye etintwaneni tetinyawo. Cabanga.

Dutheronomi 11:4

kutsi wentani emabutfweni aseGibhithe, nasemahhashini awo, nasetincoleni tawo, ngekutsi akudvungulule ngemanti eLwandle Lolubovu ngesikhatsi emaGibhithe anicosha, aphela onkhe atsi nya.

KumaHebheru 11:29

Ngekukholwa ema-Israyeli ewela Lwandle Lolubovu, kwaba shangatsi kusemhlabatsini lowomile; atsi emaGibhithe ayakwenta loko, acwila, afa.

Tikhulu 4:16

Kodvwa Bharaki wacosha tincola kanye nayo yonkhe imphi, waze wayawufika eHaroshethi Hagoyimu. Onkhe emabutfo aSisera awa ngelusiko lwenkemba, kwabate ngisho namunye lowaphunyuka.