Eksodusi 14:22 - Siswati 1996 Bible

²² Sive sema-Israyeli sewela Lwandle Lolubovu sihamba emhlabatsini lowomile, emanti aba tindvonga ngesekudla nangesancele sabo.

Eksodusi 14:22 Referencias Cruzadas

2 Emakhosi 2:14

Wabe sewushaya lamanti emfula ngalengubo. Wabuta watsi: “Uphi-ke loSimakadze, Nkulunkulu wa-Elija?” Watsi kube awashaye lamanti, ehlukana ekhatsi, aya ngesekudla nangesancele, wabe sewuyewela.

2 Emakhosi 2:8

Elija watsatsa sembatfo sakhe wasigocota, wabe sewushaya ngaso lamanti. Emanti ehlukana ekhatsi, aya ngesekudla nangesancele, lamadvodza lamabili ewela ahamba emhlabatsini lowomile.

Nehemiya 9:11

Wehlukanisa lwandle embikwabo, kuze kutsi bewele emhlabatsini lowomile, kodvwa labo bebabacosha ngemuva wabajikijela ekujuleni kwelwandle njengelitje naligcumkiselwa emantini lanemandla.

Tihlabelelo 106:9

Wakhalimela Lwandle Lolubovu, lwasha, wabeweta ekujuleni kwalo, kwaba shangatsi bahamba ehlane.

Tihlabelelo 136:13

Nguye lowehlukanisa kabili Lwandle Lolubovu, ngobe umusa wakhe ume kuze kube phakadze.

Tihlabelelo 136:14

Wewelisa ema-Israyeli ekhatsi nalo, ngobe umusa wakhe ume kuze kube phakadze.

Tihlabelelo 66:6

Lwandle walugucula lwaba ngumhlabatsi lowomile, bokhokho bewela umfula ngetinyawo. Wotani sijabule kuye.

Tihlabelelo 74:15

Nguwe lowavula tiyalu nemifula emadvwaleni, womisa nemifula legeletako.

Tihlabelelo 78:13

Wehlukanisa lwandle, wabeweta kulo, wemisa emanti, kwaba shangatsi tindvonga.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Eksodusi 15:19

Emahhashi aFaro, netincola takhe temphi kanye nebagibeli bakhe bemahhashi batseleka ekhatsi elwandle, Simakadze wase uyawayekela emanti, abuyela etikwabo abasibekela; kodvwa ema-Israyeli ewela lwandle, ahamba emhlabatsini lowomile.

Eksodusi 15:8

Ngekufutsa kwemakhala akho emanti elwandle ancwabelana ndzawonye, yebo, ema aba tindvonga. Kujula kwelwandle kwacina njengemgcwaco.

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 11:16

Kuyawuba nemgwaco lomkhulu wemisalela yesive sakhe leyawube isele e-Asiriya, njengobe wawukhona nakubaka-Israyeli ngesikhatsi baphuma eGibhithe.

Isaya 43:16

Naku lokushiwo nguSimakadze, lowo lowavula indlela ekhatsi elwandle, wenta umkhondvo ekhatsi emantini lanemandla,

Isaya 51:10

Kwakungesiwe yini lowa lowomisa lwandle, emanti alapho kushona khona kakhulu, lowenta umgwaco ekujuleni kwelwandle, kuze labahlengiwe bewelele ngesheya?

Isaya 63:12

lowatfumela umkhono wakhe lonemandla lamangalisako, kutsi ube ngasesandleni saMose sekudla, lowehlukanisa emanti embikwabo, aze atakhele yena Libito lelineludvumo lwaphakadze?

Isaya 63:13

“Uphi lowa lowabahola badzabula ekujuleni kwelwandle?” Njengelihhashi eveni lelibekile, abazange sebakhubatele.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Numeri 33:8

Esuka ePhi Hahirothi, adzabula lwandle ekhatsi ewelela ehlane, atsi kube ahambe emalanga lamatsatfu eHlane lase-Ethamu, emisa eMara.

1 kubaseKorinthe 10:1

Ngitsandza kutsi nati, bazalwane bami, kutsi kwentekani kubokhokho betfu. Bonkhe babengephansi kwelifu, futsi bonkhe balwewela lwandle.

KumaHebheru 11:29

Ngekukholwa ema-Israyeli ewela Lwandle Lolubovu, kwaba shangatsi kusemhlabatsini lowomile; atsi emaGibhithe ayakwenta loko, acwila, afa.

Joshuwa 3:16

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.

Joshuwa 3:17

Baphristi lababetfwele libhokisi lesivumelwane saSimakadze bema ekhatsi eJordane batsi zica, emhlabatsini lowomile, sonkhe sive sema-Israyeli sewela iJordane sihamba emhlabatsini lowomile, saze saphelela sonkhe.

Joshuwa 4:22

niyakutitjela nitsi: ‘Israyeli wewela iJordane ahamba emhlabatsini lowomile.’

1 Samuweli 25:16

Ebusuku nasemini aba lutsango lwetfu lolwalusitungeletile, ngaso sonkhe sikhatsi siseluse timvu tetfu edvute nawo.