Eksodusi 14:14 - Siswati 1996 Bible

¹⁴ Simakadze utanilwela; nine thulani nje.”

Eksodusi 14:14 Referencias Cruzadas

2 Tikhronike 20:15

Wakhuluma watsi: “Lalela, nkhosi Jehoshafati, nilalele nani nonkhe lenihlala kaJuda naseJerusalema! Naku-ke lokushiwo nguSimakadze kini, utsi: ‘Ningesabi, futsi ningaphelelwa nangemandla ngenca yalemphi lenkhulu kangaka. Ngobe kulwa akusiko kwenu, kodvwa kwaNkulunkulu.

2 Tikhronike 20:17

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

2 Tikhronike 20:29

Kwesaba Nkulunkulu kwehlela yonkhe imibuso yalawo mave, ngesikhatsi tive tiva kutsi Simakadze walwa kanjani netitsa tema-Israyeli.

Nehemiya 4:14

Ngatsi nangibuka, ngabona kutsi bantfu bakhatsatekile, ngako ngakhuluma kubo, nakubaholi babo netindvuna tabo, ngatsi: “Ningatesabi letitsa tenu. Khumbulani kutsi Simakadze mkhulu kangakanani nekutsi futsi wesabeka kangakanani. Nine nje kufanele nilwe nivikele bantfu besive sakini, nebantfwabenu, nebafati benu kanye nemakhaya enu.”

Nehemiya 4:20

Nibotsi naniva kukhala kwempalampala, sonkhe sihlangane khona lapho. Nkulunkulu wetfu utasilwela.”

Nehemiya 9:11

Wehlukanisa lwandle embikwabo, kuze kutsi bewele emhlabatsini lowomile, kodvwa labo bebabacosha ngemuva wabajikijela ekujuleni kwelwandle njengelitje naligcumkiselwa emantini lanemandla.

Tihlabelelo 35:1

Cabana nalabo labacabana nami, ulwe nalabo labalwa nami, Simakadze.

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Tihlabelelo 83:1

Awu, Nkulunkulu! Ungathuli, utente simungulu. Ungatsalalisi, Nkulunkulu.

Eksodusi 14:15

Simakadze wakhuluma kuMosi, watsi: “Ukhalelani kimi? Tjela ema-Israyeli kutsi akachubekele embili.

Eksodusi 14:25

Wenta kutsi emasondvo etincola temphi abhajwe adzimate ahamba matima. EmaGibhithe atsi: “Asibaleke sisuke la kuma-Israyeli, ngobe Simakadze uyawalwela.”

Eksodusi 15:3

Simakadze ngumnikati wemphi; nguSimakadze libito lakhe.

Isaya 30:15

Naku lokushiwo yiNkhosi Simakadze, Longcwele waka-Israyeli, utsi: “Ekuphendvukeni nasekuphumuleni ngulapho kunensindziso yenu khona; ekuthuleni nasekwetsembeni ngulapho kunemandla enu khona; kodvwa ningeke nitsandze lutfo lwako.

Sililo 3:26

Kuhle kuyilindzela ngekuthula nangekubeketela insindziso yaSimakadze.

Dutheronomi 1:30

Simakadze Nkulunkulu wenu, lohamba embikwenu, utanilwela njengobe enta eGibhithe embikwenu nibuka,

Dutheronomi 20:4

Ngobe Simakadze Nkulunkulu wakho nguye lohamba nawe kuyakulwa naletitsa takho akuphe nekuncoba.’

Dutheronomi 3:22

Ningayesabi, ngobe Simakadze Nkulunkulu wenu nguye lotanilwela.’ ”

Joshuwa 10:10

Simakadze wabatsela ngeluvalo, besaba ema-Israyeli. Ema-Israyeli awehlula ema-Amori, awancoba ngelusiko lwenkemba emphini yaseGibeyoni, abacosha abenyusa ngendlela yaseBhethi Horoni, abaphetse abagwaza kwaze kwabase-Azekha, naseMakheda.

Joshuwa 10:14

Akuzange sekube nelilanga lelinjengalelo langa, lapho Simakadze alalela umuntfu khona. Ngempela Simakadze abesilwela sive sakhe saka-Israyeli!

Joshuwa 10:42

Onkhe lawo makhosi kanye nemave awo Joshuwa wawancoba ngemkhankhaso munye, ngobe Simakadze Nkulunkulu wema-Israyeli abewalwela ema-Israyeli.

Joshuwa 23:10

Indvodza yinye yakini iyawucosha emadvodza layinkhulungwane, ngobe Simakadze Nkulunkulu wenu uyanilwela, njengobe etsembisa.

Joshuwa 23:3

Nani matfupha nitibonele konkhe Simakadze Nkulunkulu wenu lakwente kuto tonkhe letive ngenca yenu; nguSimakadze Nkulunkulu wenu lowanilwela.

Tikhulu 5:20

Esibhakabhakeni tinkhanyeti talwa, yebo, tisagijima ngemivila yato, talwa naSisera.

1 Samuweli 4:7

emaFilisti esaba kakhulu atsi: “Bonkulunkulu sebafikile enkambu; tsine sesisengotini! Kute intfo lenje leyake yenteka ngaphambili.