Eksodusi 14:10 - Siswati 1996 Bible

¹⁰ Ema-Israyeli atsi ayabuka abona Faro etile nemphi yakhe asondzela, ase efikelwa kwesaba lokukhulu. Atikhalela kuSimakadze.

Eksodusi 14:10 Referencias Cruzadas

2 Tikhronike 18:31

Letindvuna tetincola temphi tatsi natibona Jehoshafati, tacabanga tatsi: “Ngiyo inkhosi yaka-Israyeli.” Ngako tagucukela kuye tiyakumhlasela, kodvwa watsi Jehoshafati nakakhala amemeta, Simakadze wamsita. Nkulunkulu wabakhweshisa kuye,

Nehemiya 9:9

“Wakubona kuhlupheka kwabokhokho betfu eGibhithe; wakuva kukhala kwabo eLwandle Lolubovu.

Tihlabelelo 106:44

Noko walunaka lusizi lwabo, asakuvile kukhala kwabo.

Tihlabelelo 107:13

Base bakhala kuSimakadze basesekulolo lusizi lwabo, wabasindzisa kulo.

Tihlabelelo 107:19

Base bakhala kuSimakadze basesekulolo lusizi lwabo, wabasindzisa kulo.

Tihlabelelo 107:28

Base bakhala kuSimakadze basesekulolo lusizi lwabo, wabakhulula kulo.

Tihlabelelo 107:6

Base bakhala kuSimakadze basesekulolo lusizi lwabo, wabephula kulo.

Tihlabelelo 34:17

Labalungile nabakhala bacela lusito, Simakadze uyabeva, abakhulule kuto tonkhe tinhlupheko tabo.

Tihlabelelo 53:5

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Tihlabelelo 81:7

Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.

Eksodusi 13:17

Ngesikhatsi Faro akhulula sive sema-Israyeli, Nkulunkulu akawahambisanga ngendlela lejubako leyayidzabula eveni lemaFilisti. Nkulunkulu wacabanga watsi: “Angifuni kubahambisa ngalendlela, ngobe nase kufanele babhekane nemphi, bangahle bajikise tingcondvo bese babuyela eGibhithe.”

Eksodusi 15:25

Mosi wakhala kuSimakadze; Simakadze wamkhombisa sigojwana. Mosi wasitsatsa wasijika ekhatsi kulamanti; emanti ajika aba mnandzi. Basekuleyo ndzawo Simakadze wabanika umtsetfo nemsimeto wabo; wabavivinya khona lapho futsi.

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Jeremiya 22:23

Wena lohlala ‘eLebanoni,’ lotitfukuse etindlini temisedari, maye uyawufa kuquma kanjani nase wehlelwa tinhlungu, tinhlungu letifanana netemhelo wemfati nakabeleka!”

Dutheronomi 9:7

“Khumbulani loku ningakhohlwa kutsi Simakadze Nkulunkulu wenu namcansula kanjani ehlane. Kusukela ngelilanga lenaphuma ngalo eGibhithe kuze kube ngulesikhatsi lenifike ngaso lapha seloku animlaleli Simakadze.

Joshuwa 24:6

Ngatsi kube boyihlomkhulu ngibakhiphe eGibhithe, nefika elwandle, nemaGibhithe abacosha ngetincola nangemabutfo labegibele emahhashi, aze efika eLwandle Lolubovu.

Joshuwa 24:7

Kodvwa bakhala kuSimakadze, bacela lusito, wabe sewufaka bumnyama emkhatsini wenu nemaGibhithe. Wayekelela lwandle etikwawo, lwase luyabasibekela. Nani natibonela ngemehlo loko lengakwenta kumaGibhithe. “ ‘Nahlala ehlane sikhatsi lesidze.

1 yaJohane 4:18

Lutsandvo lute kwesaba, kodvwa lutsandvo loluphelele luyakucosha kwesaba. Kwesaba kuhambisana nesijeziso; lowo lowesabako akapheleli elutsandvweni.