Eksodusi 13:3 - Siswati 1996 Bible

³ Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.

Eksodusi 13:3 Referencias Cruzadas

Genesisi 15:16

Lesitukulwane siyawuphindze sibuye lapha sesingesesine, ngobe bubi ba-Amori abukapheli.”

1 Emakhosi 8:42

ngobe bantfu batawuva ngeLibito lakho, lelikhulu kangaka, nangesandla sakho lesinemandla, nangengalo yakho leyelulekile, naketa-ke lona wetive atewuthandaza abheke kulelithempeli,

1 Tikhronike 16:12

Khumbulani timanga takhe latentile, nikhumbule netimangaliso takhe, kanye netehlulelo temlomo wakhe,

Nehemiya 1:10

“Batinceku takho nesive sakho lowasikhulula ngemandla akho lamakhulu nangesandla sakho lesinemandla.

Nehemiya 9:10

Watfumela tibonakaliso letimangalisako netimanga, wamelana naFaro, nato tonkhe tiphatsimandla takhe, nabo bonkhe bantfu baseveni lakhe, ngobe wena wawati kutsi emaGibhithe abebaphetse kabuhlungu kangakanani. Watentela ligama emhlabeni, lelisolo lahlala kuze kube ngulamuhla.

Tihlabelelo 105:5

Khumbulani timangaliso takhe latentile, nikhumbule tibonakaliso takhe, kanye netehlulelo temlomo wakhe,

Tihlabelelo 114:1

Mhlazana baka-Israyeli baphuma eGibhithe, mzukwana indlu yakaJakobe iphuma kubantfu labakhuluma lolunye lulwimi,

Tihlabelelo 136:11

Wahola Israyeli wamkhipha emkhatsini wawo, ngobe umusa wakhe ume kuze kube phakadze;

Tihlabelelo 136:12

ngesandla lesinemandla nengalo leyeluliwe, ngobe umusa wakhe ume kuze kube phakadze.

Tihlabelelo 89:14

Kulunga nebucotfo tisekelo tesihlalo sakho sebukhosi, umusa nekwetsembeka kungemavulandlela lahamba embikwakho.

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Eksodusi 12:17

LoMkhosi Wesinkhwa Lesingenambiliso niyawuhlala njalo niwenta, ngobe kungalo lelo langa lengakhipha ngalo tive tenu eGibhithe. Lelilanga niyawuligcina titukulwane ngetitukulwane. Kuyawuba nguwona msimeto wenu longeke uphele nome uguculwe.

Eksodusi 12:19

Kuyawuze kuphele emalanga lasikhombisa imbiliso ingatfolakali etindlini tenu; lowo loyawutfolakala kutsi udle lokufakwe imbiliso, uyawuncunywa esiveni sema-Israyeli, nome ngabe wekutalwa, nome ngabe wekuhamba kulelo live.

Eksodusi 12:2

“Lenyanga kufanele ibe yinyanga yekucala emnyakeni wenu.

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Eksodusi 12:42

Kwakubusuku Simakadze lalindzela ngabo kuze abakhiphe eGibhithe; ngako-ke lobo busuku behlukaniselwa Simakadze kutsi ema-Israyeli onkhe alindzele ngabo titukulwane ngetitukulwane.

Eksodusi 12:8

Kulobo busuku inyama ibokosiwa idliwe kanye nemibhidvo lebabako kanye nesinkhwa lesite imbiliso.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 13:9

Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 20:8

“Khumbula liSabatha, uligcine libe ngcwele.

Eksodusi 23:15

Ubogubha uMkhosi Wesinkhwa Lesingenambiliso. Ngenyanga lengu-Abibi, lenaphuma ngayo eGibhithe, uyakudla sinkhwa lesingenambiliso kuze kuphele emalanga lasikhombisa, njengobe ngakuyala. Kufanele kubete lovela embikwami angakaphatsi lutfo etandleni.

Eksodusi 3:20

Ngiyakwelula sandla sami ngishaye iGibhithe ngetinhlupheko letinyenti lengiyawutenta kuyo. Emvakwaloko-ke uyawube sewuyanivumela kutsi nihambe.

Eksodusi 34:18

“Ubowugcina uwugubhe uMkhosi Wesinkhwa Lesingenambiliso. Uyakudla sinkhwa lesite imbiliso emalanga lasikhombisa njengobe ngakuyala. Ubokwenta kusukela kulelo langa lelimisiwe ngenyanga ya-Abibi, lenaphuma ngayo eveni laseGibhithe.

Eksodusi 6:1

Simakadze watsi kuMosi: “Utawubona-ke nyalo lengitakwenta kuFaro. Utabakhulula bantfu bami bahambe ngenca yesandla lesinemandla; yebo, ngenca yesandla sami lesinemandla uyawubacosha besuke eveni lakhe.”

Eksodusi 6:6

Ngako-ke tjela ema-Israyeli utsi: ‘NginguSimakadze; ngitanikhulula kulokugcilatwa kwenu ngemaGibhithe. Ngengalo yami leyelulekile nangetento temandla lengiyawubajezisa ngato ngiyawunephula kubo.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Eksodusi 7:4

Faro angeke anilalele, ngako-ke ngiyakwehlisela sandla sami eGibhithe, ngiyijezise kabuhlungu, ngikhiphe sive sami, bantfwana baka-Israyeli, eGibhithe.

Jeremiya 34:13

“Naku lokushiwo nguSimakadze Nkulunkulu wema-Israyeli, utsi: Ngenta sivumelwane nabokhokho benu ngesikhatsi ngibakhipha eGibhithe, eveni lebugcili. Ngatsi:

Danyela 9:15

“Manje-ke, awu Simakadze, Nkulunkulu wetfu, wena lowakhipha sive sakho eveni laseGibhithe, ngesandla sakho lesinemandla, wena watakhela Libito lelihle, lelema kwadzimate kwaba ngulamuhla, sonile sente lokubi.

Matewu 10:12

Naningena kulowo muti, nibobabingelela.

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”

1 kubaseKorinthe 11:24

wabonga wasihlephula, watsi: “Loku ngumtimba wami lohleshulelwe nine. Loku kwenteni kuze ningikhumbule.”

1 kubaseKorinthe 5:8

Ngako-ke asigubhe umkhosi wetfu, hhayi ngembiliso lendzala yekushinga nebubi, kodvwa ngesinkhwa lesite imbiliso, lesinebucotfo neliciniso.

Kubase-Efesu 1:19

nati nalokubukhulu lobumangalisako bemandla akhe kitsi, tsine lesikholwako.

Dutheronomi 13:10

Mgcobeni ngematje aze afe, ngobe wetame kunigudlula kuSimakadze Nkulunkulu wenu lowanikhipha eGibhithe, eveni lebugcili.

Dutheronomi 13:11

Israyeli wonkhe uyakuva esabe, kute nome munye emkhatsini wenu loyawuphindze ayente leyontfo lembi.

Dutheronomi 13:5

Kodvwa lowo mphrofethi nome lowo mphuphi wemaphupho uyawubulawa, ngobe unifundzise kutsi nihlubuke Simakadze Nkulunkulu wenu lowanikhipha eGibhithe, wanihlenga eveni lebugcili; yebo, abetama kuniphambukisa endleleni Simakadze Nkulunkulu wenu laniyala kutsi nihambe ngayo. Niyakukukhipha kanjalo-ke lokubi lokumila emkhatsini wenu.

Dutheronomi 13:6

“Nangabe umnakenu, nome indvodzana yakho, nome indvodzakati yakho, nome umkakho lomtsandzako, nome umnganakho lomkhulu akuwunga ngasense atsi: ‘Asambe siyewukhonta labanye bonkulunkulu,’ leningazange senibati nine naboyihlo,

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 16:1

“Njalo nje ngenyanga ya-Abibi nibowugcina niwugubhe uMkhosi weliPhasika laSimakadze Nkulunkulu wenu, ngobe ngayo lenyanga wanikhipha ebusuku eGibhithe.

Dutheronomi 16:12

Nibokhumbula kutsi nani nake naba tigcili eGibhithe, ngako tilandzeleni ngekunakekela letimiso.”

Dutheronomi 16:3

LeliPhasika ningalidli kanye nesinkhwa lesinembiliso. Kuyawuze kuphele emalanga lasikhombisa solomane nidla sinkhwa lesite imbiliso, sinkhwa selusizi, ngobe naphuma ngekuphutfuma lokukhulu eGibhithe. Loko kuyakwenta kutsi nihlale nilikhumbula njalo lilanga lenaphuma ngalo eGibhithe, yonkhe imphilo yenu.

Dutheronomi 24:18

Khumbulani kutsi benitigcili eGibhithe, Simakadze Nkulunkulu wenu wanephula kulelo live; ngiko nje nginiyala kutsi nikwente loku.

Dutheronomi 24:22

Khumbulani kutsi nani nanitigcili eGibhithe; ngiko nje nginiyala kutsi nikwente loku.”

Dutheronomi 26:8

Ngako Simakadze wasikhipha eGibhithe ngesandla lesinemandla, nangengalo leyelulekile, ngekutfutfumelisa lokukhulu nangetibonakaliso nangetimangaliso.

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Dutheronomi 5:15

Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.

Dutheronomi 5:6

‘NginguSimakadze Nkulunkulu wakho lowakukhipha eGibhithe, eveni lebugcili.

Dutheronomi 6:12

nicaphele kutsi ningamkhohlwa Simakadze lowanikhipha eGibhithe, eveni lebugcili.

Dutheronomi 6:21

uyawuphendvula utsi: ‘Sasitigcili taFaro eGibhithe, kodvwa Simakadze wasikhipha eGibhithe ngesandla sakhe lesinemandla.

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.

Dutheronomi 8:14

inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

Dutheronomi 9:12

“Simakadze wangitjela watsi: ‘Yewuka ngekushesha, ngobe labantfu bakho lowabakhipha eGibhithe sebonakele. Sebahlubuke ngekushesha kuloko lengabayala ngako, futsi sebatibumbele sithico.’

Joshuwa 24:17

Ngobe nguSimakadze Nkulunkulu wetfu lowasikhipha, tsine nabokhokho betfu, eveni laseGibhithe, endlini yebugcili. Nguye lowenta leto tibonakaliso letinkhulu emehlweni etfu sibuka. Wasilondvolota kuyo yonkhe indlela yetfu nakuto tonkhe tive lesasihamba sidzabula emkhatsini wato.

Tikhulu 2:12

Bafulatsela Simakadze, Nkulunkulu waboyise, lowabakhipha eGibhithe. Balandzela bakhonta labanye bonkulunkulu labehlukene baleto tive labebahlala emkhatsini wato. Batfukutselisa Simakadze,

Tikhulu 6:8

wase usitfumelela umphrofethi, lowafike wakhuluma, watsi: “Naku lokushiwo nguSimakadze Nkulunkulu wema-Israyeli: ‘Nganikhuphula eGibhithe, nganikhipha eveni lebugcili.