Eksodusi 12:37 - Siswati 1996 Bible

³⁷ Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.

Eksodusi 12:37 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 15:5

Simakadze wamkhiphela ngaphandle watsi: “Buka etulu esibhakabhakeni ubale tinkhanyeti, nawungatibala.” Wachubeka watsi kuye: “Nentalo yakho-ke iyawuba ngako.”

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

Genesisi 47:11

Josefa wabeka uyise nabomnakabo wabakhela eveni lelincono laseGibhithe, endzaweni levundze kakhulu, eceleni kwelidolobha laka-Ramsesi, njengobe abeyalwe nguFaro.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 10:9

Mosi wamphendvula watsi: “Sitawuhamba sonkhe: kutawuhamba labasha betfu nalabadzala betfu. Sitawuhamba nemadvodzana etfu, nemadvodzakati etfu, netimvu tetfu, netimbuti tetfu, netinkhomo tetfu; ngobe kufanele sibe nemkhosi wekudvumisa Simakadze.”

Eksodusi 13:20

Batfutsa eSukhothi bemisa e-Ethamu, emnyeleni welihlane.

Eksodusi 38:26

Ngulowo nalowo labengene elubalweni abekhipha sikalo lesisemtsetfweni, kusukela eminyakeni lengema-20 budzala kuye etulu: kwakungemadvodza lati-603 550 lebengenele lolubalo.

Numeri 1:2

“Yentani lubalo lwaso sonkhe sive saka-Israyeli, lusendvo ngelusendvo, nemindeni ngemindeni, nibabhalise ngetindlu taboyise onkhe emadvodza ngemabito awo, ngayinye ngayinye,

Numeri 1:46

Bunyenti bawo asawonkhe aba ti-603 550.

Numeri 11:21

Kodvwa Mosi wakhuluma watsi: “Naku lapha ngihola emadvodza lati-600 000, lahamba ngetinyawo, kodvwa ujinge utsi: ‘Ngitawubanika inyama labatayidla inyanga yonkhe!’

Numeri 2:32

Onkhe lawa ngema-Israyeli labalwa ngemindeni yawo. Onkhe lawa labesetinkambu ngeticheme tawo aba ti-603 550.

Numeri 26:51

Asawonkhe emadvodza esive saka-Israyeli labalwa abeti-601 730.

Numeri 33:3

Sive sema-Israyeli sesuka eRamsesi ngelilanga leli-15 lenyanga yekucala emnyakeni, lilanga lelilandzela liPhasika, ngenyanga yekucala. Baphuma ngesibindzi nangetigi emehlweni awo onkhe emaGibhithe abuka.

Numeri 33:5

Ema-Israyeli esuka eRamsesi emisa eSukhothi.