Eksodusi 12:36 - Siswati 1996 Bible

³⁶ Simakadze wenta emaGibhithe kutsi atsambele ema-Israyeli ngekutsi awaphe konkhe labekucela. Ema-Israyeli awaphanga kanjalo-ke emaGibhithe.

Eksodusi 12:36 Referencias Cruzadas

Genesisi 15:14

Kodvwa ngiyawusehlulela leso sive lesiyawube sigcilata lesitukulwane sakho; emvakwaloko lesitukulwane sakho siyawuphuma sesinetimphahla letinyenti.

Genesisi 39:21

Simakadze wajinge waba naye, wamentela umusa, wamupha kutsandzeka emehlweni emgcinijele.

Ezra 1:6

Bonkhe bomakhelwane babo babasita ngetintfo tesiliva, netegolide, nangetimphahla, nangetifuyo, nangetipho letiligugu kanye nangeminikelo yesihle.

Tihlabelelo 105:37

Wase uyabakhipha baka-Israyeli eGibhithe, bahamba sebanesiliva negolide; kute nome munye lowawa emindenini yabo.

Eksodusi 11:2

Tjela ema-Israyeli kutsi nguleyo naleyo ndvodza nome umfati, akacele kubomakhelwane bakhe babaphe imihlobiso yekugaba, yesiliva neyegolide.”

Eksodusi 11:3

Simakadze wenta ema-Israyeli kutsi ahlonishwe ngemaGibhithe. Ngetulu kwaloko Mosi waba mkhulu kutiphatsimandla taFaro nakumaGibhithe onkhe.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Danyela 1:9

Manje Nkulunkulu abesente lendvuna kutsi ibe nemusa nesihawu kuDanyela,

Imisebenti yebaPhostoli 2:47

badvumisa Nkulunkulu, babetsandzeka kubo bonkhe bantfu. Onkhe emalanga iNkhosi yayibengetela ngalabo babesindziswa.

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.