Eksodusi 12:33 - Siswati 1996 Bible

³³ EmaGibhithe akhutsalela kugcugcutela ema-Israyeli kutsi aphume eGibhithe ngekushesha, atsi: “Natsi sitakufa sonkhe, naningahambi nine.”

Eksodusi 12:33 Referencias Cruzadas

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Tihlabelelo 105:38

EmaGibhithe ajabula ekuphumeni kwabo ngobe abesafile kubesaba.

Eksodusi 10:7

Tiphatsimandla taFaro takhuluma kuye, tatsi: “Kutawuze kube ngunini lomuntfu aluhlupho? Khulula labantfu bahambe, bayewukhonta Simakadze longuNkulunkulu wabo. Awuboni yini kutsi lelive laseGibhithe liyabhubha?”

Eksodusi 11:1

Simakadze wakhuluma kuMosi, watsi: “Ngisetakwehlisela sinye nje sishayo etikwaFaro neliGibhithe lonkhe. Emvakwaloko utanikhulula kutsi nihambe, empeleni utanicosha niphume niphele kulendzawo.

Eksodusi 12:39

Benta tinkhwa letite imbiliso ngenhlama lababesuke nayo eGibhithe, ngobe bakhishwa ngendluzula bangabe basasitfola nesikhatsi sekutilungiselela ingcamu imbala.

Eksodusi 6:1

Simakadze watsi kuMosi: “Utawubona-ke nyalo lengitakwenta kuFaro. Utabakhulula bantfu bami bahambe ngenca yesandla lesinemandla; yebo, ngenca yesandla sami lesinemandla uyawubacosha besuke eveni lakhe.”

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Danyela 3:22

Lomlayeto wenkhosi bewuphutfuma kakhulu, nalamalangabi emlilo lowesabekako nalohhumako abesashisa kangangekutsi lamalangabi alomlilo adzimate abulala wona lamadvodza labejikijele boShadraki, naMeshaki, na-Abednego ekhatsi kuwo,