Eksodusi 12:2 - Siswati 1996 Bible

² “Lenyanga kufanele ibe yinyanga yekucala emnyakeni wenu.

Eksodusi 12:2 Referencias Cruzadas

Esta 3:7

Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Eksodusi 12:1

Simakadze wakhuluma kuMosi naku-Aroni baseseGibhithe, watsi:

Eksodusi 12:18

Kusukela kusihlwa ngelilanga leli-14 lenyanga yekucala kuze kube kusihlwa ngelilanga lema-21 ningasidli sinkhwa lesinembiliso.

Eksodusi 12:3

Yendlulisela lomlayeto esiveni sonkhe sema-Israyeli kutsi ngelilanga lelishumi kulenyanga, nguleyo naleyo ndvodza kufanele ikhetsele umndeni wayo lizinyane.

Eksodusi 13:3

Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.

Eksodusi 13:4

Lamuhla kulenyanga ya-Abibi niyaphuma lapha eGibhithe.

Eksodusi 23:15

Ubogubha uMkhosi Wesinkhwa Lesingenambiliso. Ngenyanga lengu-Abibi, lenaphuma ngayo eGibhithe, uyakudla sinkhwa lesingenambiliso kuze kuphele emalanga lasikhombisa, njengobe ngakuyala. Kufanele kubete lovela embikwami angakaphatsi lutfo etandleni.

Eksodusi 34:18

“Ubowugcina uwugubhe uMkhosi Wesinkhwa Lesingenambiliso. Uyakudla sinkhwa lesite imbiliso emalanga lasikhombisa njengobe ngakuyala. Ubokwenta kusukela kulelo langa lelimisiwe ngenyanga ya-Abibi, lenaphuma ngayo eveni laseGibhithe.

Eksodusi 40:17

Ngako-ke ngelilanga lekucala enyangeni yekucala emnyakeni wesibili baphumile eGibhithe lithende lekukhontela lemiswa laphela.

Hezekeli 45:18

“ ‘Naku lokushiwo yiNkhosi Simakadze, itsi: Ngenyanga yekucala elangeni lekucala kufanele nitsatse inkunzana leseyincane, lengenasiyela, nihlambulule lithempeli.

Hezekeli 45:21

“ ‘ Ngelilanga leli-14 lenyanga yekucala niyawugubha uMkhosi weliPhasika. Kuyawuphela emalanga lasikhombisa bonkhe bantfu badla sinkhwa lesingenamvubelo.

Levithikusi 23:5

“ ‘LiPhasika laSimakadze liyawucala kugujwa kusukela nakudzabuka kusa ngelilanga leli-14 enyangeni yekucala.

Numeri 28:16

“ ‘Ngelilanga leli-14 lenyanga yekucala kuyawuba liPhasika laSimakadze.

Dutheronomi 16:1

“Njalo nje ngenyanga ya-Abibi nibowugcina niwugubhe uMkhosi weliPhasika laSimakadze Nkulunkulu wenu, ngobe ngayo lenyanga wanikhipha ebusuku eGibhithe.