Eksodusi 12:14 - Siswati 1996 Bible

¹⁴ Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 12:14 Referencias Cruzadas

2 Emakhosi 23:21

Inkhosi Josaya yakhipha umlayeto lowawuya esiveni sonkhe, yatsi: “Gubhani liPhasika laSimakadze Nkulunkulu wenu, njengobe kubhaliwe encwadzini yesivumelwane.”

Tihlabelelo 111:4

Wente timangaliso takhe kutsi tikhumbuleke. Simakadze unemusa nebubele.

Tihlabelelo 135:13

Simakadze, libito lakho lime kuze kube phakadze. Nkhosi, titukulwane ngetitukulwane tiyawuhlala tikukhumbula.

Eksodusi 12:17

LoMkhosi Wesinkhwa Lesingenambiliso niyawuhlala njalo niwenta, ngobe kungalo lelo langa lengakhipha ngalo tive tenu eGibhithe. Lelilanga niyawuligcina titukulwane ngetitukulwane. Kuyawuba nguwona msimeto wenu longeke uphele nome uguculwe.

Eksodusi 12:24

Lemiyalo niyawuyigcina nine netitukulwane tenu kuze kube nguphakadze naphakadze.

Eksodusi 12:43

Simakadze wakhuluma kuMosi naku-Aroni, watsi: “Lena-ke ngimitsetfo lecondzene neliPhasika: Kufanele kubete wetive lolidlako;

Eksodusi 12:6

Niyawuligcina kuze kube lilanga leli-14 kuyo lenyanga kusihlwa, mhlazana sonkhe sive sema-Israyeli sitawahlaba lamazinyane.

Eksodusi 23:15

Ubogubha uMkhosi Wesinkhwa Lesingenambiliso. Ngenyanga lengu-Abibi, lenaphuma ngayo eGibhithe, uyakudla sinkhwa lesingenambiliso kuze kuphele emalanga lasikhombisa, njengobe ngakuyala. Kufanele kubete lovela embikwami angakaphatsi lutfo etandleni.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 5:1

Emvakwaloko boMosi na-Aroni bahamba baya kuFaro, bafike batsi: “Simakadze longuNkulunkulu wema-Israyeli utsi: ‘Khulula sive sami sihambe, siyewungentela sibhimbi sekungidvumisa ehlane.’ ”

Hezekeli 46:14

Kufanele kwentiwe nemnikelo walokutinhlavu njalo nje ekuseni, kube ngufulaha longemakhilogremu langaba mabili, nemafutsa emncumo langaba lilitha linye nencenye yesitsatfu yelilitha kutewubhucwa ngawo lofulaha. Lemitsetfo yaleminikelo lena kuSimakadze iyawuhlala imile phakadze naphakadze.

Levithikusi 23:6

Ngelilanga leli-15 kuleyo nyanga kuyawucala uMkhosi waSimakadze weSinkhwa Lesingenambiliso; kuyawuze kuphele emalanga lasikhombisa nidla sinkhwa lesingenambiliso.

Zakhariya 6:14

Lomchele uyawubasethempelini laSimakadze ube sikhumbuto ngabo boHeldayi, naThobiya, naJedaya, naHeni, umsa waZefaniya.

Numeri 10:8

Lamacilongo ayawushaywa ngemadvodzana a-Aroni, baphristi. “Lomyalo uyakwentiwa sive sema-Israyeli kuto tonkhe titukulwane.

Numeri 15:15

Sive siyawuba nemtsetfo lofananako: wenu kanye newebetive labahlala emkhatsini wenu. Leso-ke simiso setitukulwane ngetitukulwane. Nine nebetive niyawufanana embikwaSimakadze.

Numeri 16:40

njengobe Simakadze amlayela ngaMosi. Loko kwaba sikhumbuto esiveni sema-Israyeli kutsi wonkhe umuntfu longesiye umphristi, longesiyo intalelwane ya-Aroni, akayiwusondzela ashise imphepho embikwaSimakadze. Loyakwenta njalo uyawubona saKhora nesebalandzeli bakhe.

Numeri 18:8

Simakadze wakhuluma ku-Aroni, watsi: “Mine ngikubeka kutsi uphatse iminikelo leletfwe kimi, yonkhe iminikelo lengcwele lenginikwa yona ngema-Israyeli, mine ngiyinika wena nemadvodzana akho kutsi ibe sabelo sakho titukulwane ngetitukulwane.

Matewu 26:13

Ngicinisile, ngitsi kini: Nome ngukuphi lapho liyawushunyayelwa khona leliVangeli emhlabeni wonkhe, kuyawukhulunywa ngalesento sakhe, kube sikhumbuto ngaye.”

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”

Dutheronomi 16:1

“Njalo nje ngenyanga ya-Abibi nibowugcina niwugubhe uMkhosi weliPhasika laSimakadze Nkulunkulu wenu, ngobe ngayo lenyanga wanikhipha ebusuku eGibhithe.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 6:8

Niyakuyibophela ibe timphawu etandleni tenu nasemabuntini enu.

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”

1 Samuweli 30:25

Davide wenta leso kwaba simiso nelisiko laka-Israyeli kusukela ngalelo langa kuze kube ngulamuhla.