Eksodusi 11:8 - Siswati 1996 Bible

⁸ Mosi wephetsa inkhulumo yakhe ngekutsi: “Tonkhe tiphatsimandla takho tiyawukuta tikhotsame embikwami, tingincenge titsi: ‘Wena, nalabantfu labakulandzelako, hambani la.’ Emvakwaloko-ke ngiyawuvele ngihambe.” Mosi waphuma atfukutsele abila, washiya Faro.

Eksodusi 11:8 Referencias Cruzadas

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

2 Emakhosi 3:9

Ngako inkhosi yaka-Israyeli yaphuma ihambisana nenkhosi yakaJuda kanye nenkhosi yaka-Edomu. Emvakwemalanga lasikhombisa lamabutfo ashuca agega, aphelelwa ngemanti wona kanye netifuyo tawo tekwetfwala imitfwalo.

Nehemiya 5:6

Ngatfukutsela ngabila, nangiva letikhalo tabo.

Tihlabelelo 6:1

Awu, Simakadze, ungangijezisi ngentfukutselo yakho, ungangishayi ngelulaka lwakho.

Eksodusi 10:29

Mosi waphendvula watsi: “Ushito kahle. Awuseyiwuphindza ungibone futsi la embikwakho.”

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Danyela 3:19

Nebukhadnezari watfukutselela boShadraki, naMeshaki, na-Abednego, nesimo sakhe kubo sagucuka. Watfumela kutsi kubaswe lamalangabi emlilo lowesabekako nalohhumako kutsi ushise ngalokuphindvwe kasikhombisa,

Numeri 12:3

Mosi bekangumuntfu lotfobekile kwendlula wonkhe umuntfu labekhona emhlabeni.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

Dutheronomi 29:24

Tonkhe tive tiyawubuta titsi: ‘Simakadze wakwentelani loku kulelive? Siyini sizatfu salolulaka loluvutsa kangaka?’

Dutheronomi 32:24

Ngiyawubahlasela ngendlala lephundlako, namashaya acotfule wetifo letibulalanako, kanye netijeziso letibulalako. Ngiyawubahlasela ngetidladla tetilwane tesiganga, nangesihlungu setindlondlo letintjuma elutfulini.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.

Tikhulu 4:10

lapho efike wabita boZebuloni naNaftali. Abelandzelwa ngemadvodza lati-10 000, naDebhora wahamba kanye nabo.

Tikhulu 8:5

Wakhuluma kulamadvodza aseSukhothi, watsi: “Phanini emabutfo ami kudla; asadziniwe futsi alambile, kantsi ngisachubeka kucosha boZeba naSalmuna, emakhosi emaMidiyani.”