Eksodusi 11:5 - Siswati 1996 Bible

⁵ onkhe ematubulo langemadvodzana alapha eGibhithe atakufa, kusukela etubulweni laFaro losesihlalweni sebukhosi kuze kube ngusetubulweni lesigcilikati lesisilako, kufe nawo onkhe ematubulo etifuyo.

Eksodusi 11:5 Referencias Cruzadas

Tihlabelelo 105:36

Wabulala onkhe ematubulo abo eveni, lababetibone ngawo kutsi sebakhulile.

Tihlabelelo 135:8

Nguye lowashaya ematubulo aseGibhithe, ebantfu kanye newetilwane.

Tihlabelelo 136:10

Nguye lowabhubhisa ematubulo aseGibhithe, ngobe umusa wakhe ume kuze kube phakadze.

Tihlabelelo 78:51

Wabulala onkhe ematubulo aseGibhithe, lekwakungumgogodla wemphi emathendeni aHhamu.

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Eksodusi 12:29

Ekhatsi nebusuku Simakadze wabulala onkhe ematubulo eveni laseGibhithe: kusukela esigodlweni etubulweni laFaro lelaliyindlalifa yakhe, kuye etubulweni lesiboshwa lesisejele, nasematubulweni etifuyo.

Eksodusi 13:15

Ngesikhatsi Faro enta inhlitiyo yakhe iba lukhuni, ala kusikhulula kutsi sihambe, Simakadze wabulala onkhe ematubulo ebantfu baseGibhithe kanye newetifuyo taseGibhithe. Ngiko nje nginikela kuSimakadze onkhe ematubulo lamadvuna; kodvwa onkhe emadvodzana langematubulo ngiyawahlenga.’

Eksodusi 4:23

Ngikutjelile ngatsi: “Khulula indvodzana yami kuze ingikhonte,” kodvwa wena walile kuyikhulula. Ngako-ke ngitawubulala indvodzana yakho yematubulo.’ ”

Isaya 47:2

Tsatsa ematje ekusila, usile fulaha, yembula liveyili lakho. Phakamisa tidvwaba takho, uhlubule imilente yakho, wewele udzabule imifula.

Sililo 5:13

Emajaha ayaphishaneka etigayweni, bafana bayadzayitela ngaphansi kwetinyandza tetinkhuni.

Matewu 24:41

Bafati lababili bayawube basila; lomunye uyawutsatfwa, lomunye asale.

KumaHebheru 11:28

Ngekukholwa wasungula liPhasika ngekunyenyeta ingati, kuze kutsi ematubulo ema-Israyeli angabulawa ngumbulali.

Tikhulu 16:21

EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.