Eksodusi 11:1 - Siswati 1996 Bible

¹ Simakadze wakhuluma kuMosi, watsi: “Ngisetakwehlisela sinye nje sishayo etikwaFaro neliGibhithe lonkhe. Emvakwaloko utanikhulula kutsi nihambe, empeleni utanicosha niphume niphele kulendzawo.

Eksodusi 11:1 Referencias Cruzadas

Genesisi 15:14

Kodvwa ngiyawusehlulela leso sive lesiyawube sigcilata lesitukulwane sakho; emvakwaloko lesitukulwane sakho siyawuphuma sesinetimphahla letinyenti.

Jobe 10:17

Uyabandzisa bofakazi labemelana nami, wandzise nentfukutselo yakho kimi, utfumele emabutfo ngemabutfo lemelana nami.

Eksodusi 12:29

Ekhatsi nebusuku Simakadze wabulala onkhe ematubulo eveni laseGibhithe: kusukela esigodlweni etubulweni laFaro lelaliyindlalifa yakhe, kuye etubulweni lesiboshwa lesisejele, nasematubulweni etifuyo.

Eksodusi 3:20

Ngiyakwelula sandla sami ngishaye iGibhithe ngetinhlupheko letinyenti lengiyawutenta kuyo. Emvakwaloko-ke uyawube sewuyanivumela kutsi nihambe.

Eksodusi 6:1

Simakadze watsi kuMosi: “Utawubona-ke nyalo lengitakwenta kuFaro. Utabakhulula bantfu bami bahambe ngenca yesandla lesinemandla; yebo, ngenca yesandla sami lesinemandla uyawubacosha besuke eveni lakhe.”

Eksodusi 9:14

Ngobe manje letishayo ngitatitfumelela kuletiphatsimandla takho nakubantfu bakho ngicedze ngendlulele kuwe imbala, khona utekwati kutsi kute lofanana nami emhlabeni wonkhe jikelele.

Levithikusi 26:21

“ ‘Nanichubeka kumelana nami nale nekungilalela, lokuhlupheka kwenu ngiyawukuphindza kasikhombisa kuye ngaleto tono lenitentile.

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Sembulo 16:9

Bantfu bashiswa kakhulu, badzimate bacalekisa libito laNkulunkulu lonemandla etikwaletinhlupho; kodvwa abazange baphendvuke badvumise nebukhosi bakhe.

1 Samuweli 6:4

EmaFilisti abuta atsi: “Ngumuphi umnikelo welicala lesingawutfumela kuye?” Baphendvula batsi: “Ngematfumba lasihlanu egolide, nemagundvwane lasihlanu egolide njengelinani lebabusi bemaFilisti, ngobe lesishayo sehlele nine kanye nebabusi benu.