Eksodusi 1:9 - Siswati 1996 Bible

⁹ Yacaphelisa bantfu bayo, yatsi: “Bukani la, lama-Israyeli asandza kakhulu lapha eveni letfu, kantsi futsi anemandla kakhulu kunatsi, asayingoti kitsi.

Eksodusi 1:9 Referencias Cruzadas

Genesisi 26:16

Abimeleki wakhuluma ku-Isaka, watsi: “Suka, uhambe la eveni letfu; ngobe sewunemandla kakhulu kunatsi.”

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

Jobe 5:2

Silima siyafa sibulawe tinhlungu tekutfukutsela kwaso, nemona uyababulala labanengcondvo yebuntfwana.

Eksodusi 5:5

Wachubeka Faro watsi: “Ase nibuke nje, labantfu sebanyenti kakhulu lapha eveni. Nyalo senibayekelisa lemitfwalo yabo!”

Taga 14:28

Bukhosi benkhosi busime ebunyentini bebantfu labayilalelako; ngaphandle kwebantfu ayikho ikhona.

Taga 27:4

Lulaka lungesabeka nentfukutselo ibe nebudlova; kodvwa kute longakhona kumelana nemona.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

YaJakobe 4:5

Nome-ke nicabanga kutsi kulite yini loku lokushiwo ngumBhalo, kutsi: “LoMoya, lambeka kitsi Nkulunkulu uyafutselana, kantsi futsi unesikhwele ngatsi”?