Eksodusi 1:14 - Siswati 1996 Bible

¹⁴ imphilo yawo ayenta yababa ngekuwagcilata kamatima: awabhucisa ludzaka, awafolomisa netitini, awentisa yonkhe inhlobo yemisebenti yasemasimini. Kuko konkhe labekwenta emaGibhithe asebentisa ema-Israyeli kamatima.

Eksodusi 1:14 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

1 Emakhosi 12:14

yalandzela seluleko sabontsanga yayo yatsi: “Babe wanetfwesa umtfwalo losindzako; mine-ke ngitawengeta unisindze kakhulu kunakucala. Babe abenibhacabula ngetiswebhu; mine ngitanibhacabula ngetiswebhu letinetipikili.”

Tihlabelelo 129:1

“Bangihlupha kwasebusheni bami,” akasho njalo Israyeli atsi:

Tihlabelelo 68:13

ngesikhatsi emadvodza asaphumula etibayeni. Imphango bekulituba lelinetimphiko tesiliva, tinsiba tiyigolide lecwebetelako.

Tihlabelelo 81:6

“Mine ngesusa umtfwalo emahlombe enu, nganiphumuta ekwetfwaleni kwenu titini.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 1:13

Ngako-ke emaGibhithe asebentisa sive sema-Israyeli ngesihluku;

Eksodusi 1:15

Inkhosi yaseGibhithe yakhuluma kuboShifra naPhuwa, labo bekubabelekisi bebafati bemaHebheru, yatsi:

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 6:9

Mosi wawatjela loko ema-Israyeli, kodvwa akazange amlalele, ngobe umoya wawo wawephulwe sihluku nekugcilatwa kwawo.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Isaya 10:24

Ngako-ke naku lokushiwo yiNkhosi, Simakadze lenguSomandla, itsi: “Awu, sive sami lesihlala eSiyoni, ningawesabi ema-Asiriya wona lanishaya ngendvuku aniphakamisele sagila, njengobe kwakwenta baseGibhithe.

Isaya 14:6

labahlasele tive ngelulaka, batigadla ngaphandle kwesihe, batigcobagcoba phansi ngentfukutselo, baphekehla lutfutfuva bahlasela.

Isaya 51:23

Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”

Isaya 52:5

Simakadze utsi: “Pho, yini nje manje loku lese ngikukhandza lapha? Ngobe sive sami sitsetfwe kwahanjwa naso mahhala, nalabo labasibusako bayaphukuta,” kusho Simakadze. “Libito lami liyahlanjalatwa ngaso sonkhe sikhatsi.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Levithikusi 25:43

Kufanele ningawabusi ngelulaka, kodvwa yesabani Nkulunkulu wenu.

Levithikusi 25:46

Letigcili ningatishiyela bantfwabenu tibe lifa labo; nabatsandza bangatenta tibe tigcili tabo siphelane. Kodvwa umnakenu longum-Israyeli awuyikumbusa ngelulaka. Ningabusani lomunye etikwalomunye.

Levithikusi 25:53

Kufanele atsatfwe njengemuntfu lobekacashiwe yonkhe leminyaka, kubukisiswe nekutsi lomnikati wakhe akamphatsi kabi ngesihluku yini.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Nahume 3:14

Khani lamanti utilungiselele kuvinjetelwa, ucinise tinqaba takho. Tsatsa inhlabatsi ubhuce ludzaka, utilungiselele, ufolome sitini.

Numeri 20:15

Bobabemkhulu behlela eveni laseGibhithe, sahlala lapho sikhatsi lesidze. Bantfu baseGibhithe basigcilata kanye nabobabe betfu,

Imisebenti yebaPhostoli 7:19

Yacala yasihlupha sive sakitsi, yaba nelulaka kubokhokho betfu, ibaphoca ngekutsi ibalahlise tinswane tabo, khona phela titewufa.

Imisebenti yebaPhostoli 7:34

Ngibukile ngabona kuhlupheka kwesive sami eGibhithe. Sengikuvile kukhala nekububula kwaso, sengehlile kutasisindzisa. Wota-ke manje, ngitekutfumela eGibhithe.’

Dutheronomi 26:6

Kodvwa emaGibhithe asiphatsa kabi, asivisa buhlungu, asentisa imisebenti lematima.

Dutheronomi 4:20

Kodvwa nine, Simakadze wanikhipha eGibhithe, emlilweni lomkhulu loncibilikisa insimbi, kutsi nitekuba sive lesilifa lakhe, njengobe senaba ngilo nje.

Ruthe 1:20

Wabaphendvula watsi: “Hhayi, ningasangibiti ngekutsi nginguNawomi, sale senitsi nginguMara, ngobe Nkulunkulu Somandla ungihlanekele, wangiletsela kuhlupheka.