Eksodusi 1:11 - Siswati 1996 Bible

¹¹ Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 1:11 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Genesisi 47:11

Josefa wabeka uyise nabomnakabo wabakhela eveni lelincono laseGibhithe, endzaweni levundze kakhulu, eceleni kwelidolobha laka-Ramsesi, njengobe abeyalwe nguFaro.

1 Emakhosi 9:19

wakha onkhe emadolobha lapho abenetingungu khona, kanye nemadolobha etincola takhe nemahhashi akhe, nako konkhe labefisa kukwakha eJerusalema, naseLebanoni, nakulo lonkhe lelo live labelibusa.

2 Tikhronike 16:4

Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Tancoba, tatfumba i-Ijoni, neDani, ne-Abela Mayimu, kanye nawo onkhe emadolobha latingungu akaNaftali.

2 Tikhronike 8:4

Wachubeka wavusa neThadmori ehlane kanye nawo onkhe emadolobha latingungu labekatakhe eHamathi.

Tihlabelelo 105:13

Bazula bandzindza etiveni ngetive, basuka kulomunye umbuso baya kulomunye,

Tihlabelelo 129:1

“Bangihlupha kwasebusheni bami,” akasho njalo Israyeli atsi:

Tihlabelelo 129:2

“Bangihlupha kwasebusheni bami, kodvwa abazange bangehlule.

Tihlabelelo 68:13

ngesikhatsi emadvodza asaphumula etibayeni. Imphango bekulituba lelinetimphiko tesiliva, tinsiba tiyigolide lecwebetelako.

Tihlabelelo 81:6

“Mine ngesusa umtfwalo emahlombe enu, nganiphumuta ekwetfwaleni kwenu titini.

Eksodusi 1:14

imphilo yawo ayenta yababa ngekuwagcilata kamatima: awabhucisa ludzaka, awafolomisa netitini, awentisa yonkhe inhlobo yemisebenti yasemasimini. Kuko konkhe labekwenta emaGibhithe asebentisa ema-Israyeli kamatima.

Eksodusi 2:11

Kwatsi nasakhulile Mosi, wahamba wavakashela bantfu besive sakubo, emaHebheru; wabona indlela lababephocelelwa ngayo kutsi bente umsebenti lomatima. Wabona umGibhithe ashaya lomunye wesive sakubo, umHebheru.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Eksodusi 5:10

Ngako-ke bashayeli netindvuna takakhe tabuyela kuma-Israyeli, tafike tatsi kuwo: “Utsi Faro: ‘Ngingeke ngisaninika tjani bekufoloma.

Eksodusi 5:15

Tindvuna tema-Israyeli takhala, tashuca taya kuFaro, tafike tatsi: “Hhawu, nkhosi! Utiphatselani kanjena letinceku takho?

Eksodusi 5:8

Kodvwa nome kunjalo, lesitoko sabo setitini lekufanele batifolome ngelilanga singehliswa, ngobe mncane kakhulu lomsebenti labawentako; bayavilapha, ngiko nje balibele kukhonona ngekutsi: ‘Sikhulule siyewunikela ngemhlatjelo kuNkulunkulu wetfu.’

Taga 27:4

Lulaka lungesabeka nentfukutselo ibe nebudlova; kodvwa kute longakhona kumelana nemona.

Numeri 20:15

Bobabemkhulu behlela eveni laseGibhithe, sahlala lapho sikhatsi lesidze. Bantfu baseGibhithe basigcilata kanye nabobabe betfu,

Dutheronomi 26:6

Kodvwa emaGibhithe asiphatsa kabi, asivisa buhlungu, asentisa imisebenti lematima.